Sirmonias 15:31 - BIBLIA - traduson antigu in Krioulo

³¹ “Asin bo ten ku guarda fijus di Israel separadu di kusas ku ta fasi elis impuru, pa e ka bin susa ña tenda nunde ku N mora na se metadi. Si e fasi asin, e na muri na se impuresa.”

Sirmonias 15:31 ပူးပေါင်းရင်းမြစ်များ

Salmus 66:18

Si N daba lugar pa pekadu na ña korson, SIÑOR ka na obinba.

Ezekiel 23:38

I ka es son ke fasi, ma na ki mesmu tempu, e kontamina ña kau sagradu, e ka rispita ña dias di diskansu.

Ezekiel 36:17

“Fiju di omi, oca ku fijus di Israel sintaba na se tera, e kontaminal ku se manera di yanda, ku kusas ke fasi. Suma impuresa di minjer kada mis, asin ku se manera di yanda sedu ña dianti.

Ezekiel 44:23

E na nsina ña pobu pa e sibi diferensia kusas sagradu ku kusas ki ka sagradu; e na pui elis pa e rapara puru ku impuru.

Ezekiel 5:11

Asin, ami, SIÑOR Deus, N jurmenta pa ña vida kuma, manera ku bu kontamina ña kau sagradu ku tudu bu kusas nujenti, ku tudu kusas mau ku bu fasi, N na kumsa kaba ku bo, sin sinti pena di bo; N ka na purdau.

Daniel 9:27

Ki ŝef na fasi kontratu firmi ku manga di jinti pa seti anu. Na metadi di ki anus i na kaba ku sakrifisius ku ofertas di kumida. Ki ŝef danadur na pui un kusa nujenti i meduñu na kau sagradu; ki kusa nujenti na fika la te fin markadu pa ki algin ku pul la bin ciga pa el.”

Sirmonias 11:47

Bo ten ku fasi diferensa di puru ku impuru, di limarias ku pudi kumedu ku kilis ku ka pudi kumedu.”

Sirmonias 13:59

Es i lei aserka di lima ku paña ropa di lan o di liñu, o fiu ki kumpudu ku el, o kualker kusa di kuru, pa mostra manera ki na diklaradu puru o impuru.

Sirmonias 15:32

Es i leis pa omi ku kusa na sai na si kurpu, o i sta impuru pabia simenti di kopula sai nel,

Sirmonias 19:30

“Bo guarda ña dias di diskansu; bo rispita ña kau sagradu. Ami i SIÑOR.

Sirmonias 20:3

N na vira kontra ki omi, N na tiral na metadi di si pobu, pabia, manera ki da si fiju pa Molok, i kontamina ña kau sagradu, i dana ña santu nomi.

Sirmonias 21:23

ma, pabia di si difeitu, i ka pudi ciga pertu di kurtina, nin di altar, pa i ka dana puresa di ña kau sagradu. Ami i SIÑOR ku ta fasi elis sagradu.”

Numerus 19:13

Tudu algin ku toka na kadaver di un difuntu, i ka bin purifika, i na kontamina tabernakulu di SIÑOR. Ki algin na tiradu na Israel. I na fika impuru pabia yagu di purifikason ka wagadu riba del; si impuresa na fika riba del.

Numerus 19:20

Si ki algin impuru ka purifika, i na tiradu na kumunidadi, pabia i kontamina santuariu di SIÑOR. Yagu di purifikason ka wagadu riba del; i na fika impuru.

Numerus 5:3

Bo ten ku tira elis fora di kampamentu, nin si i omi o i minjer, pa ka e kontamina kampamentu nunde ku N mora.”

1 Koríntius 3:17

Si algin dana santuariu di Deus, Deus ta dana si dunu tambi, pabia santuariu di Deus i son pa el; abos ku sedu ki santuariu.

Ripitison di Lei 24:8

Toma sintidu ku mpincu ku ta kamba, bu fasi konformi saserdotis levita nsinau; bu pui sintidu pa obdisi tudu ordis ku N da elis.

Ebreus 10:29

Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

1 Samuel 3:14

E ku manda N jurmenta pa familia di Eli kuma, nunka mas pekadu di familia di Eli ka na tiradu ku sakrifisiu nin ku oferta di kumida.”