Sirmonias 14:4 - BIBLIA - traduson antigu in Krioulo

⁴ saserdoti na da ordi pa i tisidu dus kacu bibu, puru, pa kil ku na purifikadu, ku po di sedru, ku lan burmeju, ku isopi.

Sirmonias 14:4 ပူးပေါင်းရင်းမြစ်များ

Salmus 51:7

Limpan ña pekadu ku isopi; N ta fika limpu; laban, N ta fika mas branku di ki nevi.

Saida 12:22

Dipus, i ta toma un maradura di isopi, i mojal na sangi ku sta na basia, i untal na dus ladu di porta ku riba. Nin un di bos ka dibi di sai na porta di si kasa te parmaña.

Sirmonias 1:14

“Si i na pursenta SIÑOR kacus pa oferta kemadu, i na tisi un pumba di matu o un pumba di kasa.

Sirmonias 12:8

“Si i ka ten manera di yangasa fiju di karnel, i na leba dus pumba di matu o dus pumba pikininu di kasa, un pa oferta kemadu, utru suma oferta pa pekadu. Asin saserdoti na fasi sakrifisiu pa si pekadu; i na fika puru.”

Sirmonias 14:5

Saserdoti na manda tambi pa un di ki kacus matadu riba di yagu fresku na un testu di lama.

Sirmonias 14:6

Dipus i na toma ki kacu bibu, ku po di sedru, ku lan burmeju, ku isopi, i na moja elis na sangi di ki kacu ku matadu riba di yagu fresku.

Sirmonias 5:7

Si i ka ten manera di ranja fiju di karnel, i na tisi pa SIÑOR dus pumba di matu o dus pumba di kasa pa purdon di ki pekadu ki fasi, un pa oferta pa pekadu, utru pa oferta kemadu.

Numerus 19:18

Un omi ku sta puru na toma un ramu di isopi, i mojal na yagu, i waga na ki tenda, riba di mobilia, ku tudu jinti ku mati, ku kil ku toka na os, ku kil ku toka na un algin ku matadu o ku muri, o ku toka na kau di nteru.

Numerus 19:6

Saserdoti na toma po di sedru, ku isopi ku lan burmeju, i na bota elis dentru di ki fugu.

Ebreus 9:19

Moisés konta dianti di pobu tudu mandamentu suma ki sta na lei; dipus i toma sangi di fijus di baka ku bodis, ku yagu; i toma tambi un padas di po di isopi, ku lan burmeju, i waga riba di libru di lei propi, ku tudu jinti,