Sirmonias 14:21 - BIBLIA - traduson antigu in Krioulo

²¹ “Si i sedu koitadi, i ka pudi ranja ki limarias tudu, i na leba un fiju macu di karnel pa i sedu oferta pa kulpa suma oferta di sana, pa sedu sakrifisiu pa si pekadu, ku dus litru di foriña finu masadu ku azeiti pa oferta di kumida, ku mas meiu litru di azeiti,

Sirmonias 14:21 ပူးပေါင်းရင်းမြစ်များ

Jo 34:19

Ku fadi kil ku ka ta toma parti di ŝefis, nin i ka ta rispita riku mas di ki koitadi, pabia elis tudu i tarbaju di si mon.

Ditus 17:5

Kil ku fasi trosa di koitadi i na koba Deus ku kumpul. Kil ku na ŋumini utru na kastigu, el propi i ka na kaplil.

Ditus 22:2

Riku ku koitadi e junta na un kusa: I SIÑOR ku kumpu elis tudu.

Ezekiel 46:7

I na da 17,5 litru di foriña suma oferta di kumida pa fiju di baka, ku mesmu pa karnel, ma pa fijus di karnel i na da kil ki tene. 3 litru di azeiti ta dadu ku kada 17,5 litru di foriña.

Sirmonias 1:14

“Si i na pursenta SIÑOR kacus pa oferta kemadu, i na tisi un pumba di matu o un pumba di kasa.

Sirmonias 12:8

“Si i ka ten manera di yangasa fiju di karnel, i na leba dus pumba di matu o dus pumba pikininu di kasa, un pa oferta kemadu, utru suma oferta pa pekadu. Asin saserdoti na fasi sakrifisiu pa si pekadu; i na fika puru.”

Sirmonias 14:10

“Na oitavu dia i na toma tris fiju di karnel, dus macu ku un femia, di un anu, sin difeitu, ku seis litru di foriña finu masadu ku azeiti, pa oferta di kumida, ku mas meiu litru di azeiti.

Sirmonias 14:22

ku dus pumba di matu o dus pumba pikininu di kasa, konformi i pudi yangasa, un pa i sedu oferta pa pekadu, utru pa oferta kemadu.

Sirmonias 27:8

Si ki omi ku fasi purmesa i koitadi dimas pa paga ki diñeru, i na pursenta ki algin pa saserdoti. Saserdoti na pui balur nel konformi diñeru ku ki omi pudi paga.

Sirmonias 5:11

Si i ka pudi ranja dus pumba di matu nin dus di kasa, i ten ku tisi dus litru di foriña finu suma oferta pa pekadu, pa i pudi purdadu. I ka na darma azeiti riba del, nin i ka na pui nsensu, pabia i oferta pa pekadu.

Sirmonias 5:7

Si i ka ten manera di ranja fiju di karnel, i na tisi pa SIÑOR dus pumba di matu o dus pumba di kasa pa purdon di ki pekadu ki fasi, un pa oferta pa pekadu, utru pa oferta kemadu.

Lukas 6:20

Dipus i rabida, i jubi si disipulus, i fala: “Abos koitadis, bo sortiadu, pabia bo na ten parti na renu di Deus.

2 Koríntius 8:12

Si bo sta ku vontadi di da, Deus ta seta kil ku bo tene; i ka na pidi bos kil ku bo ka tene.

2 Koríntius 8:9

Bo sibi kuma no Siñor Jesus Kristu staba pruntu pa da. El i seduba riku, ma pa amor di bos i bida pobri, pa i pudi fasi bos riku pabia di si pobresa.

1 Samuel 2:8

I ta lantanda koitadi na con; i ta yalsa na muntudu kil ku ka tene nada, i ta pul pa i sinta na metadi di fijus di rei, i ta fasil pa i yarda tronu di gloria. I SIÑOR ku tene fundamentu di tera; i firmanta mundu riba del.