Sirmonias 14:14 - BIBLIA - traduson antigu in Krioulo

¹⁴ Saserdoti na toma un bokadu di sangi di oferta pa kulpa, i na pul na ponta di oreja direita di kil ku na purifikadu, tambi riba di dedu polegar di si mon direita, ku dedon polegar di si pe direita.

Sirmonias 14:14 ပူးပေါင်းရင်းမြစ်များ

Saida 29:20

Bu na matal, bu toma si sangi, bu pul na ponta di oreja direita di Aron ku di si fijus, bu pul tambi na dedu polegar di se mon direita ku dedon di se pe direita. Restu di sangi, bu na wagal na tudu ladu di altar.

Isaias 1:5

Ke ku manda bo kontinua disobdienti, pa bo sta sempri kastigadu? Abo Judá, bu kabesa tene cagas, bu korson sta duenti.

Sirmonias 14:19

“I na sakrifika oferta pa pekadu pa purdon di ki algin ku na purifikadu di si impuresa. Dipus saserdoti na mata limaria pa oferta kemadu,

Sirmonias 14:25

I na mata fiju di karnel suma oferta pa kulpa, i na toma un bokadu di si sangi, i na pui na ponta di oreja direita di ki algin ku na purifikadu, na dedu polegar di si mon direita, ku dedon di si pe direita.

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Romanus 6:13

Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben.

Romanus 6:19

Pabia di frakesa di bo naturesa, N na fala palabra ku omi ta ntindi. Purmeru ba, bo pui bo membrus na katiberasku di susidadi pa fasi mal riba di mal. Asin tambi gosi bo ten ku ntrega bo membrus suma katibus di ben pa fasi kusas diritu, pa bo pudi sedu santu.

1 Koríntius 6:20

pabia bo kumpradu ku bon pres. Bo ta tene bo kurpu pa gloria di Deus.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Ripitison di Lei 24:8

Toma sintidu ku mpincu ku ta kamba, bu fasi konformi saserdotis levita nsinau; bu pui sintidu pa obdisi tudu ordis ku N da elis.

Filipensis 1:20

Ña diseẑu fundu ku ña speransa i pa N ka yara, pa N bin ten motivu di fika ku borgoña, ma pa N pudi ten garandi koraẑen gosi, suma pa sempri, pa garandesa di Kristu pudi ojadu klaru na ña kurpu, si i pa vida o si i pa mortu.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.