Sirmonias 14:12 - BIBLIA - traduson antigu in Krioulo

¹² “Saserdoti na toma un di ki fijus macu di karnel, i na pursental suma oferta pa kulpa, ku ki meiu litru di azeiti. I na sana elis suma oferta di sana dianti di SIÑOR.

Sirmonias 14:12 ပူးပေါင်းရင်းမြစ်များ

Saida 29:22

“Toma gurdura di karnel, ku rabu gurdu, ku gurdura ku sta na parti di dentru, ku parti ku sta riba di figadu, ku tudu dus rin ku se gurdura, ku perna direita. Es i karnel di konsagrason.

Saida 29:24

Bu na pui tudu e kusas na mon di Aron ku di si fijus; bu na sana ku elis di un ladu pa utru dianti di SIÑOR.

Saida 29:26

Toma pitu di karnel di konsagrason di Aron, bu sanal di un ladu pa utru dianti di SIÑOR. Es i na sedu di bo.

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Sirmonias 14:10

“Na oitavu dia i na toma tris fiju di karnel, dus macu ku un femia, di un anu, sin difeitu, ku seis litru di foriña finu masadu ku azeiti, pa oferta di kumida, ku mas meiu litru di azeiti.

Sirmonias 14:11

Saserdoti ku na fasi purifikason i na pursenta omi ku ten ku purifikadu, dianti di SIÑOR, ku si oferta, na entrada di tenda di juntamentu.

Sirmonias 14:19

“I na sakrifika oferta pa pekadu pa purdon di ki algin ku na purifikadu di si impuresa. Dipus saserdoti na mata limaria pa oferta kemadu,

Sirmonias 5:15

“Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macu di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.