Sirmonias 13:6 - BIBLIA - traduson antigu in Krioulo

⁶ Na setimu dia, saserdoti na jubil utru bias. Si duensa disparsi na si peli, i ka bai mas dianti, saserdoti na diklaral puru; i un duensa kualker ku sai na si peli. Ki algin i na laba si ropa, i na sedu logu puru.

Sirmonias 13:6 ပူးပေါင်းရင်းမြစ်များ

1 Reis 8:38

la na seu nunde ku bu ta sinta, obi tudu orason ku pididu ku kualker omi di Israel fasi, si kada un rapara mal di si korson, i distindi si mon pa e kasa. Purda elis, bu juda elis. Abo son ku kunsi korson di tudu jinti. Trata kada un konformi kil ki na fasi, suma kil ku bu na oja na si korson,

1 Reis 8:45

la na seu bu ta obi se orason ku se pididu, bu ta da elis vitoria.

Salmus 19:12

Kin ku pudi oja si propi erus? SIÑOR, purdan kilis ku N ka nota.

Ditus 20:9

Kin ku pudi fala kuma i purifika si korson, i sta limpu di si pekadu?

Eklesiastis 7:20

Na bardadi i ka ten omi justu na mundu ku ta fasi kil ki sertu, ku nunka ka ta peka.

Isaias 42:3

I ka na kabanta kebra kana ku kumsa na kebra, nin i ka na paga paviu ku na fuma. I na tisi justisa na bardadi.

Sirmonias 11:25

Kil ku pega se kadaver i na laba si ropa, i na fika impuru te di tardi.

Sirmonias 11:28

Kil ku pega se kadaver i na laba si ropa, i na fika impuru te di tardi. Ki limarias ka na sedu puru pa bos.

Sirmonias 11:40

Algin ku kume ki kadaver i na laba si ropa, i na fika impuru te di tardi. Kil ku leba ki kurpu mortu tambi i na laba si ropa, i na fika impuru te di tardi.

Sirmonias 13:2

“Si algin ten kau ku inca, o sinal branku sai na si peli, o i tene spiña, kusas ku pudi bin sedu mpincu ku ta kamba, i ten ku lebadu pa saserdoti Aron o pa un di si fijus ku sedu saserdoti.

Sirmonias 13:5

Na setimu dia, saserdoti ten ku torna jubil. Si i oja kuma ki duensa sta na mesmu, i ka bai dianti, i na guardal el son pa mas seti dia.

Sirmonias 13:7

Si, dipus di saserdoti jubil i diklaral puru, ki duensa torna bai mas dianti na si peli, i ten ku bai mostral mas pa saserdoti.

Sirmonias 14:8

“Algin ku na purifikadu i ten ku laba si ropa, i rapa tudu si kabelu, i laba ku yagu; asin i na sedu puru. Dipus i na yentra na kampamentu, ma i na fika fora di si tenda pa seti dia.

Romanus 14:1

Bo risibi kil ki fraku na fe; ka bo diskuti ku el na sintidu ki ten.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Ripitison di Lei 32:5

Abos bo bida kuruptu kontra el, bo ka sedu ja si fijus pabia di bo manca; bo sedu un pobu tortu i mau.

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 9:10

pabia i un kusa ku na fasidu son ku kumida, ku bibida, ku manga di sirmonia pa limpesa. E kusas tudu di fora, e pudu son te na tempu ku Deus na pui nobu ordi.

Tiagu 3:2

Anos tudu no ta yara ciu, ma si algin ka ta yara na palabra, si dunu i diritu, i pudi tambi manda na tudu si kurpu.