Sirmonias 11:47 - BIBLIA - traduson antigu in Krioulo

⁴⁷ Bo ten ku fasi diferensa di puru ku impuru, di limarias ku pudi kumedu ku kilis ku ka pudi kumedu.”

Sirmonias 11:47 ပူးပေါင်းရင်းမြစ်များ

Kumsada 7:2

Leba ku bo seti macu ku seti femia di kada koldadi limaria ku ta roniadu ku el, o ku ta kumedu, bu leba dus (macu ku femia) di kada koldadi limaria ku ka ta roniadu ku el, nin i ka ta kumedu.

Ezekiel 22:26

Se saserdotis ta kebra ña lei, e kontamina ña kusas sagradu; e ka ta diferensia kusas sagradu ku kilis ki ka sagradu, e ka ta nsina diferensa di kusa puru ku kusa impuru. E ka ta mporta ku ña dias di diskansu. Asin, pobu di Israel ka ta rispitan.

Ezekiel 44:23

E na nsina ña pobu pa e sibi diferensia kusas sagradu ku kusas ki ka sagradu; e na pui elis pa e rapara puru ku impuru.

Daniel 1:8

Daniel pui na si sintidu pa ka i kontamina ku kumida di rei, nin ku ki biñu ki ta bibi. Asin i pidi ŝef di funsionarius lisensa pa ka i kontamina.

Sirmonias 10:10

Bo ten ku rapara kil ki sagradu ku kil ki ka sagradu, kil ki puru ku kil ki ka puru.

Sirmonias 11:46

“Es i lei aserka di limarias, kacus, ku tudu kriaturas ku ta vivi e yanda bas di yagu, ku tudu bicu ku ta rasta na con.

Sirmonias 12:1

SIÑOR fala Moisés

Malakias 3:18

Na ki tempu bo na torna oja diferensa di justu ku mau, ku di kil ku ta sirbi Deus ku kil ku ka ta sirbil.”