Sirmonias 11:32 - BIBLIA - traduson antigu in Krioulo

³² Si un desis muri, i kai riba di kualker kusa, ki kusa na fika impuru, nin si ki kusa sedu di madera, fazenda, kuru o saku, o kualker feramentu ku ta fasidu tarbaju ku el; i na mitidu na yagu, i na fika impuru te di tardi; dipus i na sedu puru.

Sirmonias 11:32 ပူးပေါင်းရင်းမြစ်များ

Sirmonias 11:31

Esis na metadi di kilis ku ta rasta na con e ka na sedu puru pa bos. Kualker algin ku toka nelis dipus de muri i na fika impuru te di tardi.

Sirmonias 14:46

“Algin ku yentra na ki kasa kontra i diklaradu ficadu i na sedu impuru te di tardi.

Sirmonias 15:12

“Basia di lama ku ki omi toka nel i na kebradu, ma si i di madera i na labadu ku yagu.

Sirmonias 15:15

Saserdoti ten ku sakrifika elis, un son suma oferta pa pekadu, utru pa oferta kemadu. Asin i na kompleta sakrifisiu dianti di SIÑOR pa purifikason di ki omi pabia di kusa ku na saiba na si kurpu.

Sirmonias 16:26

Omi ku larga ki bodi ku leba kulpa i na laba si ropa, i laba kurpu ku yagu; dipus i pudi yentra na kampamentu.

Sirmonias 17:15

“Kualker algin, nin ki sedu fiju di tera o stranjeru, ku kume limaria ku muri, o ku limaria brabu sapa-sapa, i ten ku laba si ropa, i laba si kurpu ku yagu; i na fika impuru te di tardi, dipus i na sedu puru.

Sirmonias 22:6

Saserdoti ku toka na kualker desis i na fika impuru te di tardi. I ka na pudi kume kusas sagradu te ora ki laba si kurpu ku yagu.

Sirmonias 6:28

Panela di lama ki kusñadu nel i na kebradu, ma si i kusñadu na un panela di kobri, i na fergadu, i sogadu ku yagu.

Numerus 19:15

Tudu puti o tiẑela ku ka tapadu diritu na sta impuru.

Numerus 19:7

Dipus i na laba si ropa; tambi i na laba kurpu. Asin i pudi yentra na kampamentu, ma i na fika impuru te di tardi.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Titu 3:5

i salbanu; i ka pabia di kualker kusa bon ku no fasi, ma i pabia di si miserikordia ki labanu, i danu nobu nasimentu, un vida nobu di Spiritu Santu.