Sirmonias 10:9 - BIBLIA - traduson antigu in Krioulo

⁹ “Abo ku bu fijus bo ka na bibi biñu forti na ora ku bo na yentra na tenda di juntamentu, pa ka bo muri. Es i lei ku na dura pa sempri na bo jorsons di futuru.

Sirmonias 10:9 ပူးပေါင်းရင်းမြစ်များ

Saida 27:21

Aron ku si fijus e na toma konta di kanderus na tenda di juntamentu fora di kurtina ku sta dianti di arka di kontratu, pa lus ba ta sindi dianti di SIÑOR disna di tardi te parmaña. Es i un lei pa fijus di Israel ku se jorsons di futuru, pa sempri.

Ditus 20:1

Biñu i trosadur; bibida forti i ta tisi baruju. Kin ku sta nganadu pa biñu, nunka i ka na jiru.

Isaias 28:7

Mesmu saserdotis ku anunsiaduris na singa-singa pabia di biñu, e sta na kunfuson pabia di bibida forti. Anunsiaduris ta bibi biñu tok e ka pudi ntindi vison ku Deus da elis; saserdotis ta bibi tok e ta ntrumpi na julga.

Ezekiel 44:21

Nin un saserdoti ka na bibi biñu ora ki na yentra na kintal di dentru.

Oseias 4:11

“Biñu, nobu ku beju, i ta tira ntindimentu di ña pobu.

Sirmonias 10:8

Dipus SIÑOR fala Aron:

Sirmonias 3:17

“Es i un lei ku ka na muda, na tudu jorson dipus di bos, na kualker kau ku bo mora: Bo ka na kume nin gurdura nin sangi.”

Numerus 6:20

Dipus, saserdoti na sana ku elis suma oferta di movimentu dianti di SIÑOR. Es oferta i sagradu, i pertensi saserdoti, tudu ku pitu ku sanadu ku el, ku perna ku pursentadu. Dipus di kila, nazireu pudi bibi biñu.

Numerus 6:3

i ka na bibi biñu nin kualker utru bibida fermentadu, nin i ka na toma vinagri di biñu nin vinagri di bibida forti. I ka na bibi nada ku sai na uvas, nin i ka na kume uvas fresku nin seku.

Lukas 1:15

pabia i na sedu algin garandi dianti di Siñor. I ka na bibi biñu nin bibida forti. Spiritu Santu na sta nel desdi bariga di si mame.

Efésius 5:18

Ka bo cami biñu ku ta dana vida, ma bo inci ku Spiritu Santu.

1 Timótiu 3:3

I ka dibi di ba ta bibi biñu ciu, nin i ka dibi di sedu brabu, ma di pasensa, ku ka gosta di jus; i ka dibi di ba ta faima pa diñeru.

1 Timótiu 3:8

Di mesmu manera diákunus dibi di sedu retu; pa ka e ten dus fála, pa ka e bibi biñu ciu, pa ka e faima pa diñeru.

1 Timótiu 5:23

Ka bu ba ta bibi son yagu; bibi un bokadiñu di biñu pabia di bu stomagu, manera ku bu ta sta sempri duenti.

Titu 1:7

pabia presbiteru ku sedu nkargadu di kasa di Deus i dibi di sedu sin kulpa; i ka dibi di sedu kunfiadu, nin algin ku ta lestu di paña raiba, nin ku ta bibi ciu, nin sutadur, nin ku ta faima pa diñeru.