Sirmonias 10:6 - BIBLIA - traduson antigu in Krioulo

⁶ Moisés fala Aron ku si fijus Eleazar ku Itamar: “Ka bo fika dispintiadu nin ka bo rumpi bo ropa, pa ka bo muri, nin pa raiba garandi ka bin riba di tudu pobu. Bo ermons, tudu pobu di Israel, pudi cora pa kilis ku SIÑOR mata ku fugu.

Sirmonias 10:6 ပူးပေါင်းရင်းမြစ်များ

2 Samuel 24:1

Raiba di SIÑOR torna sindi kontra Israel. Satanas cuci Davi pa i fasi konta di Israel ku Judá; asin i tisi mal kontra elis.

Esdras 7:5

fiju di Abisua, fiju di Fineias, fiju di Eleazar, fiju di Aron, ŝef di saserdotis.

Saida 33:5

pabia SIÑOR daba Moisés ordi pa i fala fijus di Israel: “Abos bo risu kabesa. Si N bin na yanda ku bos, nin si i un bokadiñu, N pudi kaba ku bos. Bo tira bo fajamentus, pa N pudi sibi ke ku N na bin fasi ku bos.”

Saida 6:23

Aron kasa ku un minjer ku comadu Eliseba, fiju di Aminadab, irma di Naason. I padi ku el Nadab, Abiu, Eleazar ku Itamar.

Jeremias 7:29

“Jerusalen, korta bu kabelu, bu botal, bu pega na cora riba di montis, pabia SIÑOR nega, i bandona pobu ku lantanda si raiba.”

Sirmonias 13:45

“Ki algin ku tene mpincu i na bisti ropa rumpidu, i na yanda ku kabelu dispintiadu, i na kubri boka, i na ba ta grita: ‘Impuru! Impuru!’

Mikeias 1:16

Pela kabesa suma jugude pabia di fijus ku bu ama, pabia e na tiradu di bo, e lebadu pa katiberasku.

Numerus 1:53

Levitas na pui se tendas na roda di tenda di tustumuñu, pa N ka bin paña raiba di tudu fijus di Israel. Levitas i kilis ku nkargadu di guarda tenda di tustumuñu.”

Numerus 14:6

Josué, fiju di Nun, ku Kaleb, fiju di Jefoné, ku sedu dus di kilis ku baiba spia tera, e rumpi se ropa,

Numerus 16:22

Moisés ku Aron e mpina se rostu pa con, e fala: “O Deus, Deus ku sedu fonti di vida di tudu jinti! Si un omi peka, bu na paña raiba di tudu e pobu?”

Numerus 18:5

“Abo ku bu fijus ku na toma konta di santuariu ku altar, pa ka raiba torna bin kai mas riba di fijus di Israel.

Numerus 20:25

Toma Aron ku si fiju Eleazar, bu subi ku elis na monti di Or.

Numerus 5:18

i na pursenta minjer dianti di SIÑOR, i na diskubri si kabesa, i na pui na si mon ki oferta di foriña, di siumi. Saserdoti na pega na si mon ki yagu malgos ku ta tisi maldison.

Ripitison di Lei 33:9

E fala di se pape ku se mame: ‘No ka kunsi elis.’ E ka rikuñisi se ermons, nin e ka liga ku se fijus, ma e obdisi bu palabra, e guarda bu kontratu.

Josué 22:18

Aos bo na bandona SIÑOR! Si bo lanta kontra SIÑOR aos, amaña i na raiba kontra tudu juntamentu di Israel.

Josué 22:20

Nta Akan, fiju di Zerá, i ka peka na ki kusa ku separadu pa Deus? Raiba ka bin riba di tudu juntamentu di Israel? Asin, i ka son el ku muri pabia di si pekadu.’ ”

Josué 7:1

Fijus di Israel bin kebra ki lei ku Deus pui pa dana tudu ku staba na Jerikó. Akan, fiju di Karmi, fiju di Zabdi, fiju di Zerá, di jorson di Judá, i toma utru kusas pruibidu. Raiba di SIÑOR yardi kontra fijus di Israel.

Josué 7:11

Israelitas peka, e kebra kontratu ku N da elis pa e guarda. E toma utru kusas pruibidu, e furta, e konta mintida, e pul bas di se propi kusas.