Sirmonias 10:3 - BIBLIA - traduson antigu in Krioulo

³ Moisés fala Aron: “Es i kusa ku SIÑOR kontaba ja, kontra i fala: ‘Kilis ku na ciga pertu di mi e ten ku rispitan suma Deus Santu. N na sedu glorifikadu dianti di tudu jinti.’ ” Aron fika kaladu.

Sirmonias 10:3 ပူးပေါင်းရင်းမြစ်များ

Kumsada 18:25

I ka pudi sedu pa bu fasi kusa suma es, bu mata justus juntu ku jinti mau! Nta algin justu i ta tratadu suma algin mau? I ka pudi sedu! Nta Juis di tudu mundu i ka ta fasi kusa diritu?”

Jo 2:10

Jo ruspundil: “Bu na papia suma dudu! Nta no na risibi ben di Deus, no ka na risibi mal?” Na tudu e kusas Jo ka peka kontra Deus ku si boka.

Salmus 119:120

Ña kurpu na tirmi ku medu di bo; N ten medu ku rispitu pa bu leis.

Salmus 148:14

I lantanda un rei pa si pobu, ku elis tudu e na ngaba; Israel, un nason pertu di si korson, i na ngabal. Bo ngaba SIÑOR!

Salmus 39:10

Tira bu kastigu riba di mi; pabia di bu suti N na dismaja.

Salmus 39:9

N fika mudu, N ka na yabri ña boka, pabia i abo ku fasi es.

Salmus 46:10

I fala: “Bo keta, bo sibi kuma ami i Deus; N na garandisidu na metadi di nasons; N na garandisidu riba di mundu.”

Salmus 89:7

Deus i rispitadu ku medu na juntamentu di si pobu; tudu kilis ku sta na si roda dibi di ten medu del.

Salmus 93:5

Bu leis fika firmi. Puresa i fajamentu di bu kasa, SIÑOR, pa tudu sempri.

Saida 14:17

Ami N na ndurusi korson di ejipsius, pa e bin bo tras na mar. N na ngaña gloria pabia di Faraó ku tudu si tropas, si karus ku si omis di kabalu.

Saida 14:4

Ami N na ndurusi korson di Faraó pa i serka elis, ma N na ngaña gloria pa mi pabia di Faraó ku tudu si tropas. Ejipsius na sibi kuma ami i SIÑOR.” Asin israelitas fasi suma ki manda elis.

Saida 19:22

Saserdotis tambi, ku ta ciga pertu di SIÑOR, e dibi di purifika. Si i ka asin, SIÑOR ta bin riba delis di repenti.”

Saida 19:24

SIÑOR falal: “Bai, bu ria; dipus bu ta subi, abo ku Aron, ma saserdotis ku pobu e ka pudi pasa ki kau ku markadu, pa e subi pa SIÑOR, pa ka SIÑOR bin riba delis di repenti.”

Saida 30:30

“Unji Aron ku si fijus, bu separa elis pa e tarbaja pa mi suma saserdotis.

Isaias 39:8

Ezekias fala Isaias: “E palabra di SIÑOR ku bu fala i bon.” I fala asin pabia i ntindi kuma, i na ten pas ku suguransa na tudu si tempu.

Isaias 49:3

I falan: “Israel, abo i ña servu; N na glorifikadu pabia di bo.”

Isaias 52:11

Bo sai, bo sai di la! Ka bo toka kusa ku ka sedu puru. Bo sai na ki tera, bo purifika, abos ku ta leba material di kasa di SIÑOR.

Ezekiel 20:41

Ora ku N tira bos na metadi di nasons na teras nunde ku bo pajigadu nelis, N na junta bos, N na kontenti ku bos suma oferta ku ta cera sabi. Ami son ku bo na adora; tudu nasons e na oja.

Ezekiel 28:22

bu kontal kuma SIÑOR Deus fala: ‘Sidon, N sta kontra bo. Jinti na dan gloria; pabia di bo; e na sibi kuma ami N sedu SIÑOR ora ku N mostra ña puresa, N julga ku kastigu kilis ku sta na bo.

Ezekiel 38:16

Bu na bai kontra ña pobu Israel suma nuven ku kubri tera. Na kabantada di dias N na tisiu kontra ña tera, pa nasons pudi kunsin ora ku N mostra ña puresa na bo, Gog, dianti di se uju.

Ezekiel 40:46

Kuartu ku ta jubi pa norti i pa saserdotis ku ten konta di altar. Esis e sedu fijus di Zadok, ku sedu uniku na metadi di fijus di Levi ku pudi ciga pertu di SIÑOR pa sirbi si dianti.”

Ezekiel 42:13

Omi falan: “Kuartus na ladu di norti ku ladu di sul ku sta dianti di spasu e sedu kuartus di saserdotis nunde ku kilis ku ta ciga pertu di SIÑOR pudi kume ofertas mas sagradu. E na pui la ki ofertas mas sagradu, suma ofertas di kumida ku ofertas pa pekadu i pa kulpa, pabia i kau sagradu.

Sirmonias 21:15

pa i ka dana santidadi di si fijus na metadi di si pobu, pabia ami N sedu SIÑOR ku ta fasil sagradu.”

Sirmonias 21:17

pa i papia ku Aron, i falal: “Di li pa dianti, nin un di bu jorson ku tene difeitu na kurpu i ka na ciga pa pursenta oferta di kumida di si Deus.

Sirmonias 21:21

Nin un omi di jorson di saserdoti Aron ku ojadu kualker difeitu nel ka na ciga pa pursenta ofertas kemadu di SIÑOR. I tene difeitu nel; asin i ka na ciga pertu pa pursenta oferta di kumida di si Deus.

Sirmonias 21:6

E ten ku sedu puru dianti di se Deus; e ka na dana si nomi, pabia e ta pursenta oferta kemadu di SIÑOR, ku sedu oferta di kumida di se Deus. E ku manda e na sedu puru.

Sirmonias 21:8

Asin bu na trata saserdoti suma algin sagradu, pabia i ta pursenta oferta di kumida di bu Deus. Bu na tenel suma algin sagradu, pabia ami, SIÑOR ku ta santifika bos, N sedu Deus santu.

Sirmonias 22:9

“Saserdotis na guarda ña regras pa e ka bin ojadu kulpadu, e muri pabia e nega fasi kasu delis. Ami i SIÑOR ku ta fasi elis sagradu.

Sirmonias 8:35

Bo na fika na entrada di tenda di juntamentu seti dia, di dia ku di noti; bo na obdisi tudu ordi di SIÑOR, pa ka bo muri, pabia asin ku N mandadu.”

Numerus 16:5

Dipus i fala Koré ku tudu ki jinti ku na sigilba: “Amaña parmaña SIÑOR na mostra kin ki di sil, ku kin ku sedu ki algin sagradu ki na ciganta pa el.

Numerus 20:12

SIÑOR fala Moisés ku Aron: “Manera ku bo ka fia na mi, pa bo mostra ña santidadi dianti di fijus di Israel, bo ka na leba elis pa tera ku N fala kuma N na da elis.”

Mateus 10:37

Kin ku gosta di si pape o mame mas di ki mi, i ka mersi sedu di mi; kin ku gosta di si fiju macu o femia mas di ki mi i ka mersi sedu di mi.

Bon Noba di Jesus Kristu ku Jon 12:28

Pape, glorifika bu nomi.” Logu i bin un vos di seu ku falal: “N glorifikal ja. N na glorifikal mas.”

Bon Noba di Jesus Kristu ku Jon 14:13

Tudu kusa ku bo pidi na ña nomi, N ta fasil, pa ña Pape pudi glorifikadu na si Fiju.

Ripitison di Lei 32:51

Es i pabia abos dus bo peka kontra mi na metadi di fijus di Israel, lungu di yagu di Meribá na Kades, na lala di Zin, pabia bo ka mostra ña santidadi na se metadi.

2 Tesalonisensis 1:10

na ki dia ora ki bin pa risibi gloria na metadi di tudu si pobu, ku adorason di tudu kilis ku fia nel. Abos tambi bo na mati la, pabia bo fia na tustumuñu ku no da bos.

1 Pedru 4:17

I ciga ja tempu pa julgamentu kumsa na pobu di Deus. Si i kumsa na nos, kal ku na sedu fin di kilis ku nega obi Bon Noba di Deus?

1 Samuel 2:30

“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri, ma gosi SIÑOR fala: ‘Gosi ja N ka na seta e kusa! Kilis ku rispitan, N na rispita elis; kilis ku njutin, N na njuti elis.

1 Samuel 3:18

Asin Samuel kontal tudu ki palabra, i ka sukundil nada. Eli fala: “El i SIÑOR; pa i fasi kusa ki oja kuma i bon.”

1 Samuel 6:20

Omis di Bet-Semes punta: “Kin ku pudi firma dianti di SIÑOR, e Deus puru? Pa kin ku no na manda si arka pa i ka fika li na no metadi?”