Sirmonias 10:14 - BIBLIA - traduson antigu in Krioulo

¹⁴ Tambi ki pitu ku sanadu ku el, ku perna di tras ku pursentadu, abo ku bu fijus macu ku femia bo pudi kumel na kau puru, pabia bu dadu el suma bu kiñon, ku kiñon di bu fijus, di ofertas di pas di fijus di Israel.

Sirmonias 10:14 ပူးပေါင်းရင်းမြစ်များ

Saida 29:33

E na kume karni di ki limaria ku seduba sakrifisiu pa pekadu na tempu ke na ordenadu, e konsagradu. Fora delis ningin ka pudi kumel, pabia i sagradu.

Ezekiel 42:13

Omi falan: “Kuartus na ladu di norti ku ladu di sul ku sta dianti di spasu e sedu kuartus di saserdotis nunde ku kilis ku ta ciga pertu di SIÑOR pudi kume ofertas mas sagradu. E na pui la ki ofertas mas sagradu, suma ofertas di kumida ku ofertas pa pekadu i pa kulpa, pabia i kau sagradu.

Sirmonias 10:13

Asin bo na kumel na kau sagradu, pabia es i parti ku sedu di bo, ku di bu fijus tambi, di ofertas kemadu di SIÑOR, pabia asin ku N dadu ordi.

Sirmonias 22:13

Si fiju femia di un saserdoti bin sedu viuva, o si omi negal, kontra i ka tene fijus, si i bin riba pa kasa di si pape suma ki staba ocal nobu, i pudi kume ki kumida di si pape, ma nin utru algin ku ka sedu di familia di saserdoti ka pudi kumel.

Sirmonias 9:21

Ma pitu ku perna direita di tras, Aron sanal dianti di SIÑOR suma oferta di sana, konformi Moisés daba ordi.

Numerus 18:11

“Utru kusa ku na sedu di bo i ki partis di oferta ku fijus di Israel tisi, ku sanadu ku el. N dau elis suma un diritu pa bo ku bu fijus macu ku femia, pa sempri. Tudu algin na bu kasa ku sta puru i pudi kumel.

Numerus 5:9

Tambi tudu oferta ku fijus di Israel leba pa SIÑOR i na sedu di saserdoti ku si dunu ntregal pa el.

Bon Noba di Jesus Kristu ku Jon 4:34

Jesus fala elis: “Ña kumida i pa N fasi vontadi di kil ku mandan, pa N kompleta si tarbaju.