Sirmonias 1:4 - BIBLIA - traduson antigu in Krioulo

⁴ I na pui si mon riba di kabesa di ki limaria, pa i setadu pa el suma sakrifisiu pa purdon di si pekadu.

Sirmonias 1:4 ပူးပေါင်းရင်းမြစ်များ

Saida 28:38

Aron ten ku lebal sempri na si rostu, pa ami, SIÑOR, N pudi seta tudu ofertas ku fijus di Israel dedika pa mi, nin si pobu fasi kualker eru na manera di da ki ofertas.

Saida 29:10

“Ciganta turu dianti di tenda di juntamentu. Aron ku si fijus na pui mon riba di si kabesa,

Saida 29:15

“Dipus bu na toma un karnel macu; Aron ku si fijus na pui mon riba di si kabesa.

Saida 29:19

“Dipus, bu na toma ki utru karnel macu. Aron ku si fijus na pui mon riba di si kabesa.

Saida 29:33

E na kume karni di ki limaria ku seduba sakrifisiu pa pekadu na tempu ke na ordenadu, e konsagradu. Fora delis ningin ka pudi kumel, pabia i sagradu.

Isaias 56:7

N na leba elis pa ña monti sagradu, N na da elis kontentamentu na ña kasa di orason. Se ofertas kemadu ku se sakrifisius na setadu na ña altar, pabia ña kasa na bin comadu kasa di orason pa tudu nasons.”

Ezekiel 45:15

“Di kada 200 karnel na tera mas gurdu di Israel, bo ta da un karnel. E kusas na usadu pa ofertas di kumida, ofertas kemadu ku ofertas di pas, pa pekadu di pobu pudi purdadu. Asin ku ami, SIÑOR Deus, N fala.

Daniel 9:24

“Kuatrusentus i noventa anu markadu pa bu pobu ku bu prasa sagradu, pa kaba ku kebra lei, pa para pekadus, pa ranja purdon di mal, pa yentranda justisa ku ka na kaba, pa kumpri vison ku anunsius, tambi pa torna dedika kau mas sagradu.

Sirmonias 16:21

i na pui tudu si dus mon riba di si kabesa, i na konfesa riba del tudu maldadi di fijus di Israel, ku tudu se pekadu manera ke kebra lei; i na pui kila tudu riba di kabesa di bodi; bodi na ntregadu na mon di un omi ku kujidu pa ki tarbaju, pa i lebal pa lala.

Sirmonias 16:24

I na laba si kurpu ku yagu na kau sagradu, i na bisti si ropa di kustumu. Dipus i na sai, i na sakrifika oferta kemadu pa el ku utru pa pobu, pa fasi sirmonia pa si kabesa, tambi pa pobu.

Sirmonias 22:21

Si algin pursenta oferta di pas pa SIÑOR, di si bakas o si karnelis, pabia i fasi un votu o son pabia i misti da, i ten ku sedu sin difeitu nin manca, pa i pudi setadu.

Sirmonias 22:27

“Ora ku baka, karnel o kabra padidu, i ta fika ku si mame seti dia. Di oitavu dia pa dianti, i pudi setadu suma oferta kemadu pa SIÑOR.

Sirmonias 3:13

I na pui mon riba di si kabesa, i na matal dianti di tenda di juntamentu. Fijus di Aron na waga si sangi na tudu ladu di altar na roda.

Sirmonias 3:2

I na pui si mon riba di kabesa di si oferta, i na matal na entrada di tenda di juntamentu. Saserdotis, fijus di Aron, e na waga sangi na tudu ladu di altar na roda.

Sirmonias 3:8

I na pui si mon riba di kabesa di si oferta; i na matal dianti di tenda di juntamentu. Fijus di Aron na waga si sangi na tudu ladu di altar na roda.

Sirmonias 4:15

Garandis di juntamentu na pui se mon riba di kabesa di turu dianti di SIÑOR, e na matal na si pursensa.

Sirmonias 4:20

I na fasi ku ki turusiñu suma ki fasi ku turusiñu di oferta pa pekadu. Asin saserdoti na fasi sakrifisiu pa pekadu di pobu; e na purdadu.

Sirmonias 4:24

I na pui si mon riba di kabesa di ki bodi, i na matal na kau ku limaria ta matadu pa oferta kemadu, dianti di SIÑOR. Es i oferta pa pekadu.

Sirmonias 4:26

I na kema tudu gurdura na altar, suma ki kema gurdura di oferta di pas. Asin saserdoti na fasi sakrifisiu pa pekadu di ki omi; i na purdadu.

Sirmonias 4:29

I na pui si mon riba di kabesa di oferta pa pekadu, i na matal na kau di oferta kemadu.

Sirmonias 4:31

I na tira tudu gurdura, suma ku gurdura ta tiradu na oferta di pas. Saserdoti na kemal riba di altar, pa i pudi cera sabi pa SIÑOR. Asin saserdoti na fasi sakrifisiu pa pekadu di ki algin; i na purdadu.

Sirmonias 4:33

I na pui mon riba di si kabesa, i matal suma oferta pa pekadu, na kau nunde ku limaria ta matadu pa oferta kemadu.

Sirmonias 4:35

I na tira tudu si gurdura, suma ku gurdura di fiju di karnel di oferta di pas ta tiradu. Saserdoti na kemal na altar riba di ofertas ku kemadu pa SIÑOR. Asin saserdoti na fasi sakrifisiu pa pekadu ku ki algin fasi; i na purdadu.

Sirmonias 4:4

I na tisi ki turu pikininu na entrada di tenda di juntamentu dianti di SIÑOR. I na pui si mon riba di kabesa di ki turu, i na matal dianti di SIÑOR.

Sirmonias 5:6

Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

Sirmonias 6:7

Saserdoti na fasi sakrifisiu pa el dianti di SIÑOR; i na purdadu kualker de kusas ki fasi ku pul i sedu kulpadu.”

Sirmonias 8:14

Dipus i ciganta turu pikininu di oferta pa pekadu; Aron ku si fijus pui se mon riba di si kabesa.

Sirmonias 8:18

Dipus i pursenta karnel macu pa oferta kemadu. Aron ku si fijus pui se mon riba di kabesa di karnel.

Sirmonias 8:22

Dipus i pursenta ki utru karnel macu, karnel di konsagrason. Aron ku si fijus pui se mon riba di kabesa di ki karnel.

Sirmonias 9:7

Moisés fala Aron: “Ciga pa altar, bu sakrifika bu oferta pa pekadu, ku bu oferta kemadu; bu fasi sakrifisiu pa bu pekadu, ku di bu familia. Dipus, sakrifika oferta pa pobu, bu fasi sakrifisiu pa se pekadu, suma ku SIÑOR manda.”

Numerus 15:25

Saserdoti na sakrifika ki limarias pa tudu kumunidadi di Israel; se pekadu na purdadu, pabia e ka fasi diskarna, tambi e leba ki oferta kemadu pa SIÑOR, tudu ku ki sakrifisiu pa purdon di pekadu, manera ke yara.

Numerus 15:28

Saserdoti na sakrifika ki limaria pa SIÑOR na konta di ki algin ku yara. Dipus di sakrifisiu fasidu, i na purdadu.

Numerus 25:13

El ku si jorson e na tene ña kontratu di sedu saserdotis pa sempri, pabia i tenba siumi pa si Deus, i ranja purdon pa pekadu di fijus di Israel.”

Numerus 8:10

Leba levitas dianti di SIÑOR; fijus di Israel na pui se mon riba delis.

Numerus 8:12

“Levitas na pui se mon riba di kabesa di ki turus; bu na sakrifika un suma oferta pa pekadu; ki utru na sedu oferta kemadu pa SIÑOR, pa i pudi purda pekadu di levitas.

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Romanus 3:25

Deus dal pa i sedu sakrifisiu, pa jinti pudi fia, pa e purdadu se pekadu, pabia di si sangi. Asin Deus mostra manera ki sedu justu. Na tempu ku pasa, na si pasensa, i purda elis pekadu ke fasi,

Romanus 5:11

I ka son es, ma no kontenti ku Deus pabia di no Siñor Jesus Kristu ku fasinu amigus di Deus.

Filipensis 4:18

N risibi ciu; kil ku bo mandan i ciu dimas. N tene tudu ku N pirsisa del, suma ku Epafroditu dan kil ku bo mandan. I suma oferta ku ta cera sabi pa Deus, ki ta kontenti pa risibi.

Ebreus 10:4

pabia nin sangi di turu nin di bodi i ka pudi tira pekadu.

1 Jon 2:2

I pabia di sakrifisiu di Kristu ku no pekadu pudi tiradu; i ka son di nos, ma di jinti di tudu mundu.