Sirmonias 1:3 - BIBLIA - traduson antigu in Krioulo

³ Si i na pursenta un di si bakas suma oferta kemadu, i ten ku da un macu sin difeitu; i na pursental na entrada di tenda di juntamentu, pa SIÑOR pudi seta si dunu.

Sirmonias 1:3 ပူးပေါင်းရင်းမြစ်များ

Kumsada 22:13

Abraon yalsa uju, i oja un karnel macu si tras, ku mbaransaba ku si cifris na matu. I bai, i toma karnel, i sakrifikal suma oferta kemadu na konta di si fiju.

Kumsada 22:2

Deus falal: “Toma Isak, bu fiju un son, kil ku bu ama, bu bai pa tera di Moriá, bu matal riba di altar, bu kemal suma oferta, riba di un di montañas ku N na mostrau.”

Kumsada 22:8

Abraon falal: “Ña fiju, i Deus propi ku na danu karnel ku no pirsisa pa oferta kemadu.” Asin elis dus e bai juntu.

Kumsada 8:20

Noe kumpu altar pa SIÑOR. I toma utru di tudu koldadi limaria ku kacu ku ta roniadu ku el, i da Deus pa oferta, i kema elis riba di altar.

2 Kronikas 29:32

Jintis di juntamentu e tisi setenta turu, sen karnel macu ku duzentus karnelsiñu, tudu pa oferta kemadu pa SIÑOR.

2 Kronikas 35:12

Levitas separa turus ku utru limarias aparti pa oferta kemadu, pa da elis pa pobu, konformi se divison di familias, pa e pudi pursenta elis pa SIÑOR, suma ki sta skritu na libru di Moisés.

Salmus 110:3

Bu tropas na pursenta di bon vontadi na dia ku bu bai gera. Suma serenu di mandrugada bu jovens na bin pa bo, fajadu ku puder sagradu.

Salmus 40:8

Ña Deus, N kontenti pa fasi bu vontadi; bu lei sta dentru di ña korson.”

Saida 12:5

Bo pudi kuji fiju di karnel o di kabra, ma i ten ku sedu sin difeitu, macu di un anu.

Saida 24:5

I manda utru jovens di Israel ku kema ofertas, e sakrifika turus nobu pa SIÑOR suma oferta di pas.

Saida 29:18

Dipus, bu na kema tudu karni di karnel riba di altar; i oferta kemadu ku ta cera sabi, oferta ku pasadu na fugu pa SIÑOR.

Saida 29:4

Leba Aron ku si fijus na entrada di tenda di juntamentu, bu laba elis ku yagu.

Saida 29:42

Es i na sedu oferta kemadu ku na fasidu sempri pa bu jorson, na entrada di tenda di juntamentu dianti di SIÑOR. La ku N na kontra ku bos, pa N papia ku bo.

Saida 32:6

Mansi di ki dia e lanta parmaña sedu, e mata limarias pa oferta kemadu, e tisi tambi ofertas di pas. Dipus, e sinta pa kume, e bibi; e lanta pa fasi parodia.

Saida 35:21

Tudu jinti ku se korson staba tokadu, ku teneba spiritu di pruntidon, e bin tisi se oferta pa SIÑOR pa kumpu tenda di juntamentu, pa tudu tarbaju di tenda, ku ropa sagradu.

Saida 35:29

Tudu omi ku minjer di Israel ku se korson staba tokadu, ku sinti vontadi pa leba oferta pa tarbaju ku SIÑOR manda, pa boka di Moisés, pa i fasidu, e leba ki kusas di se libri vontadi suma oferta pa SIÑOR.

Saida 35:5

Bo da un oferta pa SIÑOR di kil ku bo tene. Kada un ku tene korson pruntu i na tisi pa SIÑOR oferta di uru, prata ku kobri,

Saida 36:3

E toma na mon di Moisés tudu ofertas ku fijus di Israel tisi pa tarbaju di kau sagradu. Inda pobu na tisiba ofertas tudu dia parmaña di se libri vontadi.

Saida 38:1

I kumpu tambi altar pa oferta kemadu, di madera di akasia, kuadradu, di 2,2 metru di kumprimentu, 2,2 metru di largura ku 1,3 metru di altura.

Isaias 1:11

SIÑOR fala: “Kil bo manga di sakrifisiu, ke ke ta balin? N sta ja fartu di ofertas kemadu di karnel macu, ku gurdura di limarias gurdu; N ka ta kontenti ku sangi di turus, nin di fijus di karnel, nin di kabras macu.

Ezekiel 20:40

Ami, SIÑOR Deus, N fala kuma, na ña monti sagradu, ku sedu ki monti altu di Israel, tudu pobu di Israel na adoran, abos tudu na ki tera. N na kontenti ku bos, N na toma bo ofertas, ku purmeru frutu di bo kebur, ku tudu bo ofertas sagradu.

Ezekiel 40:39

Na sala di porton i tenba dus mesa na kada ladu, nunde ke ta mata limarias pa oferta kemadu, pa oferta pa pekadu ku oferta pa kulpa.

Sirmonias 1:10

“Si i misti pursenta karnel o kabra di si koral pa oferta kemadu, i ten ku pursenta macu sin difeitu.

Sirmonias 14:10

“Na oitavu dia i na toma tris fiju di karnel, dus macu ku un femia, di un anu, sin difeitu, ku seis litru di foriña finu masadu ku azeiti, pa oferta di kumida, ku mas meiu litru di azeiti.

Sirmonias 16:7

Dipus i na toma ki dus bodi, i na pursenta elis dianti di SIÑOR na entrada di tenda di juntamentu.

Sirmonias 17:4

i ka tisil pa entrada di tenda di juntamentu pa pursental suma oferta dianti di tenda di SIÑOR, ki omi i na ojadu kulpadu di darma sangi; i na tiradu na metadi di si pobu.

Sirmonias 17:8

“Kualker algin di Israel, o stranjeru ku mora na se metadi, ku pursenta oferta kemadu o sakrifisiu,

Sirmonias 17:9

i ka tisil na entrada di tenda di juntamentu, pa sakrifikal pa SIÑOR, ki omi ten ku tiradu na metadi di si pobu.

Sirmonias 23:12

Na dia ku bo sana ki maradura, bo ta ranja fiju di karnel, sin difeitu, di un anu, suma sakrifisiu kemadu pa SIÑOR.

Sirmonias 23:18

Juntu ku pon bo na pursenta seti fiju di karnel, sin difeitu, di un anu, un turu nobu ku dus karnel macu. E na sedu oferta kemadu pa SIÑOR, ku se ofertas di kumida ku ofertas di bibida. Ki oferta na kemadu na fugu, i na cera sabi dianti di SIÑOR.

Sirmonias 3:1

“Si oferta di algin i sedu oferta di pas, di baka macu o femia, i na pursental sin difeitu dianti di SIÑOR.

Sirmonias 4:15

Garandis di juntamentu na pui se mon riba di kabesa di turu dianti di SIÑOR, e na matal na si pursensa.

Sirmonias 4:23

Ora ki mostradu ki pekadu ki fasi, i ten ku leba oferta di un kabra macu sin difeitu.

Sirmonias 4:3

Si un saserdoti unjidu peka, i tisi kulpa riba di pobu, pa ki pekadu ki fasi i ten ku tisi pa SIÑOR un fiju di baka, macu, sin difeitu, suma oferta pa pekadu.

Sirmonias 4:32

Si i tisi fiju di karnel suma oferta pa si pekadu, i ten ku tisi femia sin difeitu.

Sirmonias 5:15

“Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macu di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.

Sirmonias 5:18

I ten ku leba pa saserdoti, suma oferta di kulpa, un karnel macu di koral, sin difeitu, konformi balur ku bu pui nel. Saserdoti na fasi sakrifisiu pa el, pa ki mal ki fasi sin i ka sibi; i na purdadu.

Sirmonias 6:2

“I pudi sedu ku algin peka, i fasi mal kontra SIÑOR, manera ki nega torna kusa ku si kumpañer ntregal na si mon pa i rakada, o i furta, o i toma kusas di si kumpañer ku violensia,

Sirmonias 6:8

SIÑOR fala Moisés

Sirmonias 7:16

“Ma si si oferta di pas i pabia di un votu, o i na pursental di si libri vontadi, karni di sakrifisiu na kumedu na dia ki pursental. Kil ku sobra del, i na kumel na sugundu dia.

Sirmonias 8:18

Dipus i pursenta karnel macu pa oferta kemadu. Aron ku si fijus pui se mon riba di kabesa di karnel.

Sirmonias 9:2

i fala Aron: “Toma un turusiñu pa bo suma oferta pa pekadu, ku un karnel macu pa oferta kemadu, tudu dus sin difeitu, bu tisi elis dianti di SIÑOR.

Zakarias 13:7

SIÑOR ku ten tudu puder fala: “O spada, disperta, bu lanta kontra ña bakiadur, ki omi ku sedu ña kumpañer! Mata bakiadur; karnelis na pajiga. N na vira ña mon kontra pikininus.”

Malakias 1:14

“Pa i sedu maldisuadu ki nganadur ku tene un bon karnel na si koral, i fala i na dal pa SIÑOR, ma i bai pursenta un kusa ku tene difeitu. Ami i garandi Rei; ña nomi i meduñu na metadi di nasons.” Asin ku SIÑOR ku ten tudu puder fala.

Numerus 15:3

si bo na kema oferta pa SIÑOR, di baka o di karnel, ku ta cera sabi pa SIÑOR, nin si i oferta kemadu, o sakrifisiu pa kumpri votu, o oferta ku bo misti da di bo vontadi, o na bo festivalis,

Numerus 15:8

“Ora ku bu purpara oferta di turu pikininu pa SIÑOR, suma oferta kemadu o pa kumpri votu, o oferta di pas,

Numerus 19:2

“Es i regra di lei ku SIÑOR manda: Konta fijus di Israel pa e tisiu un fiju femia di baka burmeju, ku ka tene nin difeitu nin manca, ku ka pudu na tarbaju.

Numerus 23:19

Deus i ka omi ku ta konta mintida, nin i ka fiju di omi ku ta muda di ideia. Nta i ta fala un kusa, i ka bin fasil? I ta da purmesa, i ka bin kumpril?

Numerus 23:27

Balak fala Balaon: “Bin no bai pa N lebau pa utru lugar. I pudi sedu ku Deus na disau pa bu maldisuan elis na ki kau.”

Numerus 23:3

Balaon fala Balak: “Firma li lungu di bu oferta kemadu; ami N na bai jubi si SIÑOR na bin kontra ku mi. Kusa ki mostran, N ta kontau el.” Asin i bai pa un kau altu.

Numerus 23:30

Balak fasi suma ku Balaon pidil, i sakrifika un turu nobu ku un karnel macu na kada altar.

Numerus 28:11

“Na purmeru dia di kada mis, bo na da oferta kemadu pa SIÑOR: dus turu nobu, un karnel macu ku seti fiju di karnel, macu, di un anu, tudu sin difeitu.

Numerus 28:19

Bo na da oferta kemadu pasadu na fugu pa SIÑOR: dus turu nobu, un karnel macu ku seti fiju di karnel, macu, di un anu, tudu sin difeitu.

Numerus 28:31

Bo da e limarias ku se ofertas di bibida, fora di ki ofertas kemadu ku se ofertas di kumida ku ta dadu kada dia. Bo toma sintidu pa bo pursenta limarias ku ka tene difeitu.

Numerus 29:13

Bo leba trezi turu nobu, dus karnel macu ku katorzi fiju di karnel, macu, di un anu, tudu sin difeitu, suma oferta kemadu ku ta cera sabi, ku pasadu na fugu pa SIÑOR.

Numerus 29:2

Bo na leba un turu nobu, un karnel macu ku seti fiju di karnel, macu, di un anu, tudu sin difeitu, suma oferta kemadu ku na cera sabi pa SIÑOR.

Lukas 1:35

Anju ruspundi i falal: “Spiritu Santu na ria riba di bo; puder di ki Deus ku sta riba di tudu i na kubriu ku si sombra. E ku manda ki mininu santu ku bu na padi i na comadu Fiju di Deus.

Bon Noba di Jesus Kristu ku Jon 1:36

I oja Jesus na pasa, i fala: “Ali karnel di Deus.”

Bon Noba di Jesus Kristu ku Jon 10:7

Jesus torna fala elis: “Na bardadi, N na konta bos kuma i ami ki porta di koral di karnel.

Bon Noba di Jesus Kristu ku Jon 10:9

Ami i porta; kin ku yentra na mi i na salba, i na parsi suma karnel ku na yentra, i na sai, i na oja paja pa kume.

2 Koríntius 8:12

Si bo sta ku vontadi di da, Deus ta seta kil ku bo tene; i ka na pidi bos kil ku bo ka tene.

2 Koríntius 9:7

Kada un ta da konformi i sinti na si korson; i ka ku tristesa, nin pa obrigason, pabia Deus ama kil ku da ku alegria.

Efésius 2:18

I pabia di Kristu ku anos dus rasa no pudi yentra na pursensa di no Pape ku ajuda di ki mesmu Spiritu.

Efésius 5:27

pa i pudi pursental pa si kabesa, un igreẑa gloriosu, sin manca, sin marlota, nin kualker utru difeitu, ma puru, ku ningin ka pudi culil dedu.

Ripitison di Lei 12:27

Pursenta bu limarias pa ofertas kemadu, karni ku sangi, riba di altar di SIÑOR bu Deus. Sangi di utru sakrifisius na darmadu riba di altar di SIÑOR bu Deus, ma karni, bu pudi kumel.

Ripitison di Lei 15:21

Ma si i tene kualker difeitu, si i manku o segu, o i tene kualker utru difeitu, ka bu sakrifikal pa SIÑOR bu Deus.

Ripitison di Lei 17:1

Ka bu sakrifika pa SIÑOR bu Deus un turu o karnel ku tene difeitu o kualker kusa ku ka sta bon, pabia es i ta sedu un kusa nujenti pa SIÑOR bu Deus.

Ebreus 7:26

No pirsisaba di un Ŝef di Saserdoti suma es, puru, sin pekadu, sin manca, lunjusidu di jinti ku ta peka, yalsadu pa un lugar mas altu na seu,

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.