Sirmonias 1:13 - BIBLIA - traduson antigu in Krioulo

¹³ Partis di dentru ku pernas ten ku labadu ku yagu; saserdoti na pursental tudu, i na kemal riba di altar. I na sedu oferta kemadu, pasadu na fugu, ku ta cera sabi dianti di SIÑOR.

Sirmonias 1:13 ပူးပေါင်းရင်းမြစ်များ

Kumsada 8:21

SIÑOR sinti ki ceru sabi, i fala na si korson: “Nunka mas N ka na maldisua tera pabia di omi, nin ku si korson ta jingi sempri pa mal, disna di si mininesa. N ka na torna mata tudu kriatura bibu, suma ku N fasi.

2 Kronikas 4:6

I kumpu tambi des basia, i pui sinku na ladu direita ku sinku na skerda. Tudu ku usadu pa oferta kemadu i ta labaduba nelis, ma bañera seduba pa saserdotis laba nel.

Ezekiel 40:38

I tenba un kuartu ku porta lungu di sala di porton, nunde ke ta laba limarias ku na kemadu pa oferta.

Sirmonias 1:9

Partis di dentru ku si pernas e na labadu ku yagu; saserdotis na kema tudu ki partis riba di altar; i na sedu oferta kemadu, pasadu na fugu, ku ta cera sabi dianti di SIÑOR.

Sirmonias 2:11

“Tudu oferta di kumida ku bu tisi pa SIÑOR i ten ku kumpudu sin fermentu, pabia bu ka na kema nin un fermentu nin mel na oferta pasadu na fugu pa SIÑOR.

Sirmonias 2:2

I na lebal pa saserdotis, fijus di Aron. Un delis na toma un bokadu di foriña finu ku azeiti, ku tudu nsensu, i na kemal na altar suma lembransa, oferta pasadu na fugu ku ta cera sabi dianti di SIÑOR.

Sirmonias 3:5

Fijus di Aron na kema ki partis na altar, riba di oferta kemadu ku sta na fugu di leña, pa i sedu oferta pasadu na fugu, ku ta cera sabi pa SIÑOR.

Sirmonias 4:31

I na tira tudu gurdura, suma ku gurdura ta tiradu na oferta di pas. Saserdoti na kemal riba di altar, pa i pudi cera sabi pa SIÑOR. Asin saserdoti na fasi sakrifisiu pa pekadu di ki algin; i na purdadu.

Sirmonias 6:14

“Es i lei di oferta di kumida. Un fiju di Aron ten ku pursental pa SIÑOR dianti di altar.

Numerus 15:3

si bo na kema oferta pa SIÑOR, di baka o di karnel, ku ta cera sabi pa SIÑOR, nin si i oferta kemadu, o sakrifisiu pa kumpri votu, o oferta ku bo misti da di bo vontadi, o na bo festivalis,

Numerus 15:4

ki algin ku na pursenta si oferta pa SIÑOR i na da tambi oferta di kumida, ku sedu 2 litru di foriña finu misturadu ku un litru di azeiti;

Numerus 28:11

“Na purmeru dia di kada mis, bo na da oferta kemadu pa SIÑOR: dus turu nobu, un karnel macu ku seti fiju di karnel, macu, di un anu, tudu sin difeitu.

Numerus 28:8

Sakrifika ki utru karnelsiñu di tardiñu; juntu ku el bu na da ki mesmu oferta di kumida ku oferta di bibida ku bu da parmaña. I na sedu oferta ku na cera sabi, pasadu na fugu pa SIÑOR.

Ripitison di Lei 12:27

Pursenta bu limarias pa ofertas kemadu, karni ku sangi, riba di altar di SIÑOR bu Deus. Sangi di utru sakrifisius na darmadu riba di altar di SIÑOR bu Deus, ma karni, bu pudi kumel.