Ŝefis 9:24 - BIBLIA - traduson antigu in Krioulo

²⁴ Es bin sedu pa ki krimi kontra ki setenta fiju di Jerubaal pudi riba kontra se ermon Abimelek ku mata elis, pa se sangi tambi kai riba di jinti di Siken ku judalba mata si ermons.

Ŝefis 9:24 ပူးပေါင်းရင်းမြစ်များ

1 Reis 2:32

Asin SIÑOR na vingal di ki sangi, pabia i mata dus omi ku spada, sin kuñisimentu di ña pape Davi. Ki dus, ku sedu Abner, fiju di Ner, kumandanti di tropas di Israel, ku Amasa, fiju di Jeter, kumandanti di tropas di Judá, e seduba omis mas diritu di ki el.

1 Reis 2:33

Asin sangi de dus omi na kai riba di Joab ku si jorson pa sempri, ma SIÑOR na da pas pa sempri pa Davi ku si jorson, ku si kasa ku si tronu.”

Ester 9:25

Oca rei bin sibi de kusa, i manda kartas pa ki planu malvadu ku Aman teneba kontra judeus pudi torna kai riba di si kabesa. Asin el ku si fijus e nforkadu na po.

Salmus 7:16

Mal ki fasi na kai riba di si kabesa; si violensia na torna kontra el.

Salmus 7:17

N na gardisi SIÑOR pabia di si retidon; N na kanta pa ngaba nomi di SIÑOR ku sta riba di tudu.

Numerus 35:33

“Ka bo kontamina tera ku bo sta nel, pabia darmamentu di sangi i ta dana tera. Tera ka ta oja purdon pa sangi ku darmadu nel si i ka ku sangi di kil ku darmal.

Ripitison di Lei 27:25

“Maldisuadu kil ku seta pagadu pa mata algin ku ka ten kulpa.” Tudu pobu na ruspundi e fala: “Amen.”

Ŝefis 1:7

Adoni-Bezek fala: “Setenta rei, ku dedus garandi di mon ku pe kortadu, e ta pañaba restu di kumida bas di ña mesa. Suma ku N fasi, asin ku Deus fasin tambi.” E lebal pa Jerusalen; la ki muri.

Ŝefis 9:25

Moraduris di Siken pui jinti riba di montis pa e bati mboskada kontra el. E ta roba kusa na mon di tudu jintis ku na pasa na kamiñu. Algin bai konta Abimelek.

1 Samuel 15:33

Samuel falal: “Manera ku bu spada roba minjeris se fijus, asin tambi, suma utru minjeris, bu mame na fika sin fiju.” Samuel sapa Agag padas padas dianti di SIÑOR na Jilgal.