Ŝefis 9:15 - BIBLIA - traduson antigu in Krioulo

¹⁵ Pe di fidida fala arvuris: ‘Si na bardadi bo misti pa N sedu bo rei, bo bin sukundi bas di ña sombra, ma si bo ka fasi asin, fugu na sai na pe di fidida, i na kema sedrus di Líbanu.’

Ŝefis 9:15 ပူးပေါင်းရင်းမြစ်များ

2 Reis 14:9

Jeoás, rei di Israel, manda rasposta pa Amazias, rei di Judá, i falal: “Un bias, na Líbanu, un pe di fidida manda fala sedru: ‘Dan bu fiju pa i sedu minjer di ña fiju.’ Ma limarias di matu pasa, e masa ki pe di fidida.

Salmus 104:16

Arvuris di SIÑOR sta ben reguadu, ki sedrus di Líbanu ki paranta,

Salmus 29:5

Fála di SIÑOR ta kebra sedrus; SIÑOR ta kebra ki sedrus di Líbanu,

Isaias 1:31

Omi forti na torna suma paja, si tarbaju suma faiska. Tudu na yardi juntu; i ka na ten kin ku na paga fugu nel.

Isaias 2:13

I na sta kontra tudu sedrus di Líbanu mas altu di ki tudu utru arvuris, kontra tudu karvajus di Basan,

Isaias 30:2

E ta pega kamiñu pa Ejitu pa buska suguransa na forsa di Faraó, ku fiansa na sombra di Ejitu, sin puntan nada,

Isaias 37:24

Bu manda jinti pa koba SIÑOR, bu fala: “Ku multidon di ña karus N subi riba di montis mas altu di Líbanu. N korta si sedrus mas kumpridu ku si faias mas bonitu. N ciga na si ponta mas altu, te na si matu garandi ku si lugaris ku mas ta pruduzi.

Miskiñu di Jeremias 4:20

No rei, unjidu di SIÑOR, folgu di no vida, i pañadu na se armadilia. No pensaba kuma no pudiba vivi na metadi di nasons, bas di si sombra.

Ezekiel 19:14

Fugu sai na un di si ramus, i kaba ku si fruta. I ka ten ja nin un ramu forti nel ku pudi fasidu bingala di regulu.” Es i kantiga di tristesa ku ten ku kantadu.

Ezekiel 31:3

Pensa na Asiria ku seduba un sedru na Líbanu, ku ramus bonitu ku ta da sombra, di garandi altura; si ponta staba riba di ramus ku manga di foja.

Daniel 4:12

Si fojas seduba bonitu, si fruta ciu dimas tok i ta ciga pa tudu jinti kume. Limarias di matu ta diskansa bas di si sombra; kacus ta kumpu niñus na si ramus. Tudu jinti ku limarias ta kumeba si fruta.

Oseias 14:7

Jinti na torna bin sinta bas di si sombra. E na tene nobu vida suma trigu, e tene manga di flor suma pe di uva. Se fama na sedu suma kil di biñu di Líbanu.

Numerus 21:28

“Tropas sai di Esbon suma fugu, e sai di prasa di Sion suma ŝama, e kaba ku Ar di moabitas, ku moraduris di kaus altu di Arnon.

Mateus 13:32

Ki simentera i pikininu mas di ki tudu simentera, ma ora ki kirsi, i ta mas tudu plantas ku sta na orta; i sedu suma arvuri, tok kacus ta bin kumpu niñus na si ramus.”

Ŝefis 9:14

“Dipus, tudu arvuris bai fala pe di fidida: ‘Bin, bu rena riba di nos.’

Ŝefis 9:16

“Nta i kusa justu o retu manera ku bo fasi Abimelek rei? Bo fasi kusa diritu pa Jerubaal ku si familia? Bo tratal suma ki mersi?

Ŝefis 9:20

ma si i ka asin, pa fugu sai na Abimelek pa i kema jinti di Siken ku Bet-Milu; fugu tambi pa i sai di jinti di Siken ku Bet-Milu pa i kema Abimelek.”

Ŝefis 9:44

Abimelek ku si grupu sai dipresa, e bai fika na entrada di porton di prasa. Ki utru dus grupu bai dipresa pa kilis ku staba na matu, e mata elis.

Ŝefis 9:49

Tudu ki jinti tambi, kada kin korta un ramu; e bai si tras, e pui ki ramus na roda di ki kau forti, e kemal, tudu ku ki jinti dentru. Asin tudu jinti di tori di Siken muri, serka di mil omi ku minjer.