Ŝefis 8:33 - BIBLIA - traduson antigu in Krioulo

³³ Oca ku Jidion muri, fijus di Israel torna sedu infiel pa SIÑOR, e bai tras di baalins, e pui Baal-Berit suma se deus.

Ŝefis 8:33 ပူးပေါင်းရင်းမြစ်များ

2 Reis 12:2

Joás yanda diritu dianti di SIÑOR tudu tempu ku saserdoti Jeoiada na orientalba,

Jeremias 23:27

E pensa kuma e na pui ña pobu diskisi di ña nomi pabia di suñus ku kada kin ta konta si kumpañer, suma ku se papes diskisi di ña nomi pabia di Baal.

Jeremias 3:9

Israel toma si mau vida suma nada; i kontamina tera pabia i kai cai manera ki bai adora idulus di pedra ku po.

Josué 24:31

Israel sirbi SIÑOR duranti tudu vida di Josué, ku tudu vida di garandis ku kontinua vivi dipus di Josué, ku sibi tudu ke ku SIÑOR fasiba pa Israel.

Ŝefis 10:6

Fijus di Israel torna na fasi mal dianti di uju di SIÑOR, e bai adora baalins ku Astarot, ku deusis di Siria, Sidon, Moab, di fijus di Amon, ku di filisteus. E disa di adora SIÑOR.

Ŝefis 2:12

E disa SIÑOR, Deus di se papes di antigu, ki Deus ku tira elis na tera di Ejitu; e bai na sirbi utru deusis di ki rasas ke mora na se metadi. E mpina pa elis, e fasi SIÑOR paña raiba.

Ŝefis 2:17

ma e ka ta obiba ki ŝefis; e ta seduba infiel pa SIÑOR, e bai tras di utru deusis, e mpina se dianti. E ta disvia dipresa di kamiñu ku se papes yandaba, ku ta obiba mandamentus di SIÑOR. Elis e ka ta yandaba asin.

Ŝefis 2:19

Si ki ŝef muri, e ta rabida, e fasi kusa mas pior di ki se papes; e ta bai tras di utru deusis, e sirbi elis; e ta mpina se dianti. E nega disa ki kusas ke ta fasi, ku ki kamiñu mau ke ta yandaba nel.

Ŝefis 3:7

Fijus di Israel fika e na fasi kusas mau dianti di uju di SIÑOR, e diskisi di SIÑOR se Deus, e ta adoraba baalins ku Astarot.

Ŝefis 8:27

Jidion toma ki fajamentus, i kumpu un efodi, i pul na si prasa ku sedu Ofra. Tudu jinti di Israel seduba infiel pa SIÑOR, e bai na adora ki efodi; kila seduba un armadilia pa Jidion ku si familia.

Ŝefis 8:32

Jidion, fiju di Joás, muri oca ki staba ja beju dimas. E bai nteral na koba di si pape Joás, na Ofra di abiezritas.

Ŝefis 9:27

Un dia e bai pa orta, e bai kuji uvas, e pirmi elis, e fasi sirmonia, e bai pa baloba di se deus, e kume, e bibi, e na papia mal di Abimelek.

Ŝefis 9:4

E dal setenta mueda di prata di kasa di Baal-Berit. I tomal, i bai mpeta utru omis prigisosu ku lebi kabesa ku bai ku el.

Ŝefis 9:46

Oca ku tudu jinti di tori di Siken obi e kusa, e yentra na un lugar forti na baloba di deus Berit.