Ŝefis 8:27 - BIBLIA - traduson antigu in Krioulo

²⁷ Jidion toma ki fajamentus, i kumpu un efodi, i pul na si prasa ku sedu Ofra. Tudu jinti di Israel seduba infiel pa SIÑOR, e bai na adora ki efodi; kila seduba un armadilia pa Jidion ku si familia.

Ŝefis 8:27 ပူးပေါင်းရင်းမြစ်များ

Salmus 106:35

ma e bin jagasi ku elis, e nsina se manera.

Salmus 106:39

Elis propi e kontamina ku kusas ke fasi; e bai kai cai ku idulus.

Salmus 73:27

Kilis ku lunjusi di bo e na pirdi; bu ta kaba ku tudu kilis ku ka sedu fiel, ku disvia di bo.

Saida 23:33

Ka bu disa elis pa e mora na bu tera, pa ka e bin fasiu peka kontra mi. Si bu adora se deusis, i na sedu un armadilia pa bo.”

Saida 32:4

I risibi elis na se mon, i ribi elis, i darma uru na un forma, i kumpu un turu nobu di uru. Pobu fala: “O Israel, es i bu deus ku tirau di tera di Ejitu.”

Saida 34:16

O bu pudi bin toma se bajudas pa e kasa ku bu fijus. Ki minjeris ta bin yanda tras di se deusis, e ta bin pui bu fijus fasi mesmu kusas.

Isaias 8:20

Bo bai pa lei ku palabra di Deus! Si jinti ka fala konformi e palabra, nunka e ka na oja lus di mandrugada.

Ezekiel 7:20

E sinti garandi orgulyu pa kil se joias bonitu, ma e toma elis, e kumpu imaẑens ku idulus nujenti. E ku manda N torna ki rikesa suma susidadi pa elis.

Oseias 2:2

Bo pidi bo mame; el i ka sedu ja ña minjer, nin ami N ka sedu si omi, ma bo pidil pa i lunjusi si mau vida di si rostu, i tira si amantis na metadi di si pitu.

Oseias 3:4

Na mesmu manera fijus di Israel na fika manga di tempu sin rei, sin ŝef, sin sakrifisiu, nin kuluna sagradu, nin efodi, nin imaẑen.

Ripitison di Lei 12:5

ma bo na buska kau ku SIÑOR bo Deus kuji na metadi di tudu bo jorsons pa pui si moransa ku si nomi; i la ku bo dibi di bai,

Ripitison di Lei 7:16

Bu ten ku kaba ku tudu rasas ku SIÑOR bu Deus ntrega na bu mon; ka bu mostra pena pa elis, nin ka bu sirbi se deusis, pabia kila i ta sedu lastru pa bo.

Ripitison di Lei 7:25

Bu na kema imaẑens labradu di se deusis na fugu; ka bu kubisa prata ku uru ku sta riba delis, nin ka bu tomal pa bo. I pudi sedu lastru pa pañau, pabia i kusa nujenti pa SIÑOR bu Deus.

Ŝefis 17:5

Ki omi Mika teneba un kasasiñu di baloba. I kumpu un efodi, ku utru idulus; i pui un di si fijus pa i sedu si saserdoti.

Ŝefis 18:14

Ki sinku omi ku baiba spia tera di Laís e fala se ermons: “Bo sibi kuma na un de kasas i ten efodi, ku idulus, ku un imaẑen labradu, ku utru di prata? Bo jubi manera ku bo pudi fasi.”

Ŝefis 18:17

ma ki sinku omi ku bai spia tera e yentra na kasa, e toma ki imaẑen labradu, ku efodi, ku idulus, ku imaẑen di prata. Saserdoti firma na porton ku ki seizentus omi ku staba yarmadu pa gera.

Ŝefis 2:2

Abos tambi, bo ka na fasi kontratu ku utru rasas de tera, ma bo na kebra se altaris. Ma abos, bo disobdisi ña palabra. Pabia di ke ku bo fasi es?

Ŝefis 2:3

E ku manda ami tambi N na fala bos kuma N ka na tira elis bo dianti, ma e na sedu suma fididas na bo pontada; tambi se deusis na sedu armadilia pa bos.”

Ŝefis 6:11

Anju di SIÑOR bin pa Ofra, i sinta bas di un arvuri garandi ku pertensiba Joás, abiezrita. Si fiju Jidion na masaba trigu na kau di masa uvas, pa sukundil di midianitas.

Ŝefis 6:24

Jidion kumpu un altar la pa SIÑOR, i coma ki altar “SIÑOR i Pas.” I sta la na Ofra di abiezritas te aos.

Ŝefis 8:26

Pesu di ki brinkus di uru ki pidi i sedu kuas vinti kilu, fora di fajamentus, ku fius, ku ropa kor di purpura ku reis di midianitas bistiba, ku kolaris ku ta staba na garganti di kamelus.

Ŝefis 8:28

Asin midianitas bin fika bas di fijus di Israel; nunka mas e ka lantanda se kabesa. Tera bin ten pas pa korenta anu nkuantu Jidion staba di vida.