Ŝefis 7:25 - BIBLIA - traduson antigu in Krioulo

²⁵ E prindi dus ŝef di midianitas, ku sedu Oreb ku Zeeb. E mata Oreb na pedra garandi di Oreb, e mata Zeeb tambi na kau di masa uvas di Zeeb. E kontinua na serka midianitas. Dipus e tisi kabesa di Oreb ku di Zeeb pa Jidion ku staba lungu di Jordon.

Ŝefis 7:25 ပူးပေါင်းရင်းမြစ်များ

Salmus 83:10

Elis e kabadu ku el na Endor, e bida suma strumu na con.

Isaias 10:26

SIÑOR ku ten tudu puder na suta elis ku ŝikoti suma na ki matansa di Midian lungu di pedra garandi di Oreb; i na lantanda si po riba di yagu suma ki fasi na Ejitu.

Isaias 9:4

pabia bu kebra kanga ku staba pisadu riba delis, ki po ku na molostaba elis na ombras. Bu kebra forsa di inimigus ku na kalkaba elis suma na ki tempu ku midianitas ngañadu.

Abakuk 3:7

N oja jinti ku mora na Kusan bas di kastigu; moraduris di Midian na tirmiba.

Josué 7:26

E lantanda un garandi monti di pedra riba del, ku sta la te aos. E ku manda ki kau comadu kobon di Akor te gosi. Asin SIÑOR kaba ku si garandi raiba.