Ŝefis 7:13 - BIBLIA - traduson antigu in Krioulo

¹³ Oca Jidion ciga, i tenba un omi ku na konta si kumpañer un suñu, i falal: “N suña un suñu, N oja un pon toradu di sevada i na rolaba na kampamentu di midianitas, tok i ciga na tendas, i bati elis. Tendas rabida, e kai, e fika rasu na con.”

Ŝefis 7:13 ပူးပေါင်းရင်းမြစ်များ

1 Koríntius 1:27

Deus kuji kil ku mundu coma tulu pa pasanta borgoña kilis ki jiru. Deus kuji tambi kil ku mundu coma fraku pa pasanta borgoña kilis ki forti.

Ŝefis 3:15

Fijus di Israel yalsa fála e coma SIÑOR; el i bin da elis un libertadur, un omi skerdus ku comadu Eud, fiju di Jera, benjamita. Fijus di Israel mandal pa i leba mpustu pa Eglon, rei di moabitas.

Ŝefis 3:31

Dipus di Eud, i bin lanta Sangar, fiju di Anat, ku mata seizentus filisteu ku un po di ponta gudu ku turu ta giadu ku el; el tambi i bin liberta Israel.

Ŝefis 4:21

Suma i staba kansadu, i bin pasa ku sonu. Jael, minjer di Eber, toma un pregu garandi ku tenda ta pregadu ku el; i toma tambi un martel, i bai pa el divagariñu, i pregal na si kabesa, i fural te na con. Asin i muri.

Ŝefis 4:9

I falal: “I sta bon; N na bai ku bo. Ma ne kusa ku bu na bai fasi, i ka abo ku na ngabadu, pabia SIÑOR na ntrega Sísera na mon di un minjer.” Asin Debora lanta, i bai ku el pa Kedes.

Ŝefis 6:15

Jidion puntal: “Ai ña Siñor! Ke ku N na libra Israel ku el? Ali ña familia sedu mas koitadi na Manasés; ami tambi ku mas pikininu na kasa di ña pape.”

Ŝefis 7:12

Midianitas, amalekitas ku tudu jinti di ladu di saida di sol, e staba na kobon suma multidon di gamfañotis; se kamelus ciu ba tok e ka pudi kontadu, suma reia na praia.

Ŝefis 7:14

Si kumpañer ruspundil: “Es ka na sedu utru kusa si i ka spada di Jidion, fiju di Joás, ki omi di Israel. Deus da midianitas na si mon, ku tudu e kampamentu.”

Ŝefis 8:10

Zebá ku Zalmuna staba na Karkor, tudu ku se tropas, serka di kinzi mil omi. Esis i kilis ku sobra di tropas di jinti di saida di sol. Kilis ku muri seduba sentu i vinti mil omi ku ta geriaba ku spada.