Ŝefis 6:25 - BIBLIA - traduson antigu in Krioulo

²⁵ Na noti di ki dia SIÑOR falal: “Toma ki turu di bu pape, ki sugundu, ku tene seti anu, bu bati ki altar di Baal ku sedu di bu pape propi, bu korta ki po sagradu, ku sedu sinal di deus Aserá, ku sta lungu di altar,

Ŝefis 6:25 ပူးပေါင်းရင်းမြစ်များ

Kumsada 35:2

Jakó fala si familia ku tudu kilis ku staba ku el: “Bo tira deusis strañu ku sta na bo metadi. Bo purifika, bo torkia bo ropa.

1 Reis 18:21

Elias bai ciga pertu di tudu pobu, i punta elis: “Kal dia ku bo na para mankusa na metadi di dus pensamentu? Si i SIÑOR ki Deus, bo bai si tras; si i Baal, bo bai tras del.” Jinti ka ruspundil nin po nin pedra.

Jo 22:23

Si bu konverti pa Deus ku ten tudu puder, bu na kumpudu. Tira tudu maldadi lunju di bu tenda.

Salmus 101:2

N na pui sintidu pa yanda na un manera pirfitu, ku jiresa; kal tempu ku bu na bin pa mi? N na yanda na ña kasa ku korson puru.

Saida 34:13

Bo na kebra se altaris, bo na dana se statuas, bo na tira idulus di Aserá.

Mateus 10:37

Kin ku gosta di si pape o mame mas di ki mi, i ka mersi sedu di mi; kin ku gosta di si fiju macu o femia mas di ki mi i ka mersi sedu di mi.

Mateus 6:24

“Ningin ka pudi tarbaja pa dus patron, pabia i na bin gosta di un, i ka na gosta di ki utru, o i sta pruntu pa tarbaja pa un, i ta njuti ki utru. Bo ka pudi tarbaja pa Deus, bo tarbaja pa rikesa tambi.

Atus 4:19

Pedru ku Jon ruspundi e fala elis: “Bo kuda ben si i diritu dianti di Deus pa no obdisi bos mas di ki Deus,

Atus 5:29

Pedru ku utru apostolus fala elis: “I mas minjor obdisi Deus di ki obdisi omis.

Ripitison di Lei 7:5

Asin ku bo na fasi elis: Bo bati se altaris, bo kebra se kulunas sagradu, bo dana se idulus di Aserá, bo kema se imaẑens labradu na fugu.

Ŝefis 2:11

Fijus di Israel fasi mal na uju di SIÑOR, e sirbi baalins.

Ŝefis 3:7

Fijus di Israel fika e na fasi kusas mau dianti di uju di SIÑOR, e diskisi di SIÑOR se Deus, e ta adoraba baalins ku Astarot.

Ŝefis 6:26

bu kumpu utru altar pa SIÑOR bu Deus riba di ki lugar forti, suma ku altar di SIÑOR ta kumpudu. Bu na toma ki sugundu turu, bu pursental suma sakrifisiu kemadu, ku leña di ki po sagradu ku bu na korta.”