Ŝefis 6:23 - BIBLIA - traduson antigu in Krioulo

²³ SIÑOR falal: “Bu pudi ten pas! Ka bu medi, pabia bu ka na muri.”

Ŝefis 6:23 ပူးပေါင်းရင်းမြစ်များ

Kumsada 32:30

Asin Jakó coma nomi di ki kau Peniel pabia i fala: “N oja Deus rostu ku rostu, N fika ku vida.”

Kumsada 32:31

Sol bin sai kontra Jakó na pasa Peniel; i na mankusaba pabia di si koŝa.

Kumsada 43:23

Nkargadu fala: “I sta bon. Ka bo ten medu. Bo Deus, Deus di bo pape, i da bos un rikesa na bo sakus. N risibi bo diñeru.” I tisi Simeon fora pa i sta ku elis.

Salmus 85:8

N na sukuta ke ku SIÑOR Deus na fala; i na papia di pas pa si pobu, ku sedu si jinti sagradu, ma ka e riba mas pa tulesa de!

Daniel 10:19

I falan: “Omi ku Deus ama ciu, ka bu medi. Pas na sta ku bo. Koraẑen! Koraẑen!” Dipus ki papia ku mi, N sinti forsa, N falal: “Papia, Siñor, pabia bu dan forsa.”

Bon Noba di Jesus Kristu ku Jon 14:27

N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

Bon Noba di Jesus Kristu ku Jon 20:19

Na ki mesmu purmeru dia di semana, di tardi, disipulus juntaba na un kau ku portas ficadu, ku medu di ŝefis di judeu. Jesus parsi na se metadi, i fala elis: “Pas ta sta ku bos.”

Bon Noba di Jesus Kristu ku Jon 20:26

Oca oitu dia pasaba ja, si disipulus staba dentru utru bias. Tome staba la ku elis. Kontudu portas ficadu, Jesus ciga, i parsi na se metadi, i fala elis: “Pas ta sta ku bos.”

Romanus 1:7

N skirbi pa bos tudu ku sta na Roma, ku Deus ama, i coma si pobu. N misti pa Deus no Pape, ku Siñor Jesus Kristu, da bos fabur ku pas.

Ŝefis 19:20

Omi beju falal: “Bu pudi bin pa ña kasa. N na dau tudu ku faltau, ma bu ka pudi pasa noti ne kau publiku.”

Ŝefis 6:22

Jidion rapara kuma kila i anju di SIÑOR. I fala: “A, SIÑOR Deus! Ami N oja bu anju uju ku uju.”

Ŝefis 6:24

Jidion kumpu un altar la pa SIÑOR, i coma ki altar “SIÑOR i Pas.” I sta la na Ofra di abiezritas te aos.