Ŝefis 6:17 - BIBLIA - traduson antigu in Krioulo

¹⁷ Jidion falal: “Si bu kontenti ku mi, bu ta dan un sinal pa mostran kuma i abo, SIÑOR, ku na fala ku mi.

Ŝefis 6:17 ပူးပေါင်းရင်းမြစ်များ

1 Reis 13:3

Dipus i da un sinal, i fala: “E altar na findi; sinsa ku sta nel na darma. Es na sedu sinal pa proba kuma i SIÑOR ku na papia.”

Salmus 86:17

Mostran sinal di bu fabur, SIÑOR, pa kilis ku ten odiu di mi pudi fika ku borgoña ora ke oja kuma bu na judan, bu konsolan.

Saida 33:13

Si kontra N oja fabur na bu uju, N pidiu pa bu fasin kunsi bu kamiñu. Asin N ta kunsiu, pa N pudi kontinua oja fabur na bu uju. Lembra kuma e pobu i bu pobu.”

Saida 33:16

Kuma ku algin pudi sibi kuma ami ku bu pobu no oja fabur na bu uju, si i ka manera ku bu na yanda ku nos? E ku na fasinu, ami ku bu pobu, pa no sedu diferenti di tudu utru pobu ku sta na mundu.”

Isaias 7:11

“Pidi SIÑOR bu Deus pa i dau un sinal. I pudi sedu un kusa na kau mas bas o na kau mas altu.”

Ŝefis 6:18

N na pidiu pa bu ka sai di li tementi N ka riba pa bo, N tisi ña oferta, N pui bu dianti.” SIÑOR falal: “N na pera te ora ku bu riba.”