Ŝefis 6:15 - BIBLIA - traduson antigu in Krioulo

¹⁵ Jidion puntal: “Ai ña Siñor! Ke ku N na libra Israel ku el? Ali ña familia sedu mas koitadi na Manasés; ami tambi ku mas pikininu na kasa di ña pape.”

Ŝefis 6:15 ပူးပေါင်းရင်းမြစ်များ

Kumsada 32:10

N ka mersi tudu kusas bon ku bu fasin, manera ku bu sedu fiel pa mi. Oca N kamba e riu Jordon N teneba son ña manduku, ma gosi N sedu ja dus grupu.

Saida 3:11

Moisés punta Deus: “Ami i kin pa N bai pa Faraó pa tira fijus di Israel di Ejitu?”

Saida 4:10

Moisés fala SIÑOR: “O SIÑOR! Ami nunka na ña vida N ka sedu omi ku sibi papia, nin antis nin dipus di bu kumsa papia ku mi, bu servu, pabia N pisadu na papia.”

Jeremias 1:6

N falal: “A SIÑOR Deus! Ami N ka sibi papia, pabia N sedu mininu inda.”

Jeremias 50:45

Asin, bo obi planus ku SIÑOR fasi kontra Babilonia, ku kusa ki pui sintidu pa fasi na tera di kaldeus. Na bardadi, ki mas pikininus di koral e na rastadu; se moradas na danadu tudu.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Lukas 1:34

Maria punta anju: “Kuma ku es pudi sedu suma ku N ka kunsi omi inda?”

1 Koríntius 15:9

Ami N mas ka ten importansia di ki tudu apostolus, nin N ka mersi pa N comadu asin, pabia N pirsigi igreẑa di Deus,

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Ŝefis 6:11

Anju di SIÑOR bin pa Ofra, i sinta bas di un arvuri garandi ku pertensiba Joás, abiezrita. Si fiju Jidion na masaba trigu na kau di masa uvas, pa sukundil di midianitas.

1 Samuel 18:23

Ŝefis di Saul ripiti tudu ki palabra na oreja di Davi. Davi punta elis: “Bo pensa i kusa pikininu pa sedu maridu di fiju di rei? Ami i omi koitadi ku ka sedu ningin.”

1 Samuel 9:21

Saul ruspundi i falal: “Nta ami i ka fiju di Benjamin, di jorson mas pikininu na Israel? Ña familia i ka mas pikininu na tudu familias di jorson di Benjamin? Ke ku manda bu na fala e palabras pa mi?”