Ŝefis 3:8 - BIBLIA - traduson antigu in Krioulo

⁸ Asin SIÑOR paña raiba delis, i ntrega elis na mon di Kusan-Risatain, rei di Mesopotamia. Fijus di Israel e bin sirbi ki rei duranti oitu anu.

Ŝefis 3:8 ပူးပေါင်းရင်းမြစ်များ

Kumsada 24:10

Dipus, ki servu, ku tenba konta di tudu rikesa di Abraon, i toma des di si kamelus, i bai pa Mesopotamia, pa prasa di Naor.

Salmus 106:41

i ntrega elis na puder di utru nasons; kilis ku ten odiu delis e bin manda riba delis.

Salmus 129:1

Israel, konta kuma ku jinti kastigau manga di bias disna di ocau nobu.

Salmus 44:12

Bu bindi bu pobu kuas pa nada; bu ka ngaña nada na se pres.

Salmus 6:1

SIÑOR, ka bu raprindin, nin ka bu kastigan na bu raiba.

Salmus 85:3

Ki raiba ku na yardiba na bo, bu friantal, bu disvia del.

Saida 22:24

N na paña raiba, N na mata bos ku spada. Bo minjeris na sedu viuvas, bo fijus na sedu orfans.

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Sirmonias 26:17

N na pui ña rostu kontra bos pa bo inimigus ngaña bos; kilis ku odia bos e na manda riba di bos. Bo na kuri sin ningin serka bos.

Abakuk 3:7

N oja jinti ku mora na Kusan bas di kastigu; moraduris di Midian na tirmiba.

Romanus 7:14

No sibi kuma lei i spiritual, ma ami i karnal, bindidu suma katibu pa pekadu.

Ripitison di Lei 29:20

SIÑOR ka na misti purdal, ma si raiba ku siumi na yardi riba di ki omi. Tudu maldison ku sta skritu ne libru na kai riba del; SIÑOR na tira si nomi na mundu.

Ripitison di Lei 32:30

Kuma ku un omi el son i pudi serka mil, o dus omi pudi pui des mil pa e kuri, si i ka kuma se Roca bindi elis, SIÑOR ntrega elis?

Ŝefis 2:14

E ku manda SIÑOR paña raiba kontra Israel, i ntrega elis na mon di bandidus ku furta se kusas; i ntrega elis tambi na mon di se inimigus ku staba na se roda. Asin e ka pudiba ja risisti se inimigus.

Ŝefis 2:20

Asin, SIÑOR paña raiba kontra Israel, i fala: “E pobu kebra ña kontratu ku N daba se papes, e ka seta obi ña fála,

Ŝefis 3:10

Spiritu di SIÑOR bin riba del, i kumsa na manda na Israel. I sai pa gera; SIÑOR bin ntrega Kusan-Risatain, rei di Aran, na mon di Otniel, ku bin ngañal gera.

Ŝefis 3:7

Fijus di Israel fika e na fasi kusas mau dianti di uju di SIÑOR, e diskisi di SIÑOR se Deus, e ta adoraba baalins ku Astarot.

Ŝefis 3:9

Oca ke yalsa fála e coma SIÑOR, el i bin lantanda un libertadur pa fijus di Israel, ku libra elis, ku sedu Otniel, fiju di Kenaz, ermonsiñu di Kaleb.

Ŝefis 4:9

I falal: “I sta bon; N na bai ku bo. Ma ne kusa ku bu na bai fasi, i ka abo ku na ngabadu, pabia SIÑOR na ntrega Sísera na mon di un minjer.” Asin Debora lanta, i bai ku el pa Kedes.

1 Samuel 12:9

“Bo papes diskisi di SIÑOR se Deus; asin el i bin ntrega elis na mon di jinti ku geria kontra elis, ku sedu Sísera, ŝef di tropas di Azor, ku filisteus ku rei di moabitas.