Ŝefis 21:25 - BIBLIA - traduson antigu in Krioulo

²⁵ Na ki tempu i ka tenba rei na Israel; kada kin ta fasi kusa ki mistiba.

Ŝefis 21:25 ပူးပေါင်းရင်းမြစ်များ

Salmus 12:4

i fala: “No na ngana ku no lingua; boka i di nos; kin ku ta manda riba di nos?”

Ditus 14:12

I ten kamiñu ku omi pudi pensa i sertu, ma kabantada di ki kamiñu i mortu.

Ditus 3:5

Fia na SIÑOR ku tudu bu korson; ka bu fia na bu propi ntindimentu.

Eklesiastis 11:9

Joven, fika kontenti na bu nobresa, bu goza dias di bu juventudi. Yanda na kamiñu di bu korson, ku kil ku bu uju misti, ma ka bu diskisi kuma Deus na julgau pabia di tudu ki kusas.

Isaias 53:6

Anos tudu no yandaba saklatadu suma karnel; kada kin ta disviaba pa si ladu, ma SIÑOR pui pa pekadu di nos tudu kai riba del.

Isaias 66:3

Kil ku mata turu i suma kil ku mata algin; kil ku sakrifika fiju di karnel i suma kil ku kebra garganti di kacur; kil ku pursenta oferta di kumida i suma kin ku pursenta sangi di purku; kil ku kema nsensu i suma kil ku adora un idulu. Esis e kuji se propi kamiñu, e ta fika kontenti ku se kusas nujenti.

Ripitison di Lei 12:8

Ka bo bai fasi na ki tera suma ku no na fasi li aos, manera ku kada kin ta adora Deus na manera ki misti,

Ŝefis 17:6

Na ki tempu i ka tenba rei na Israel; kada kin ta fasiba kusa ki misti.

Ŝefis 18:1

Na ki tempu, oca i ka tenba inda rei na Israel, jorson di Dan na buskaba tera ku na sedu se yardansa, pa e pudi mora la, pabia te na ki tempu e ka tomaba se yardansa ke daduba na metadi di jorsons di Israel.

Ŝefis 18:7

Ki sinku omi bai tok e ciga na Laís; e oja kuma ki pobu ku mora la e staba suguru, suma jinti di Sidon, ketu, kunfiadu; nin e ka teneba un rei ku na mandaba nelis. E moraba tambi lunju di jinti di Sidon, e ka teneba nada ku ningin.

Ŝefis 19:1

Na ki tempu, oca ki ka tenba inda rei na Israel, i tenba un omi levita ku moraba na un kau na matu na montaña di Efrain. I ranja un kumadri na Belen di Judá,

Ŝefis 21:24

Fijus di Israel tambi e pajiga la, konformi se jorson ku se familia. Kada kin riba pa si propi tera.