Ŝefis 20:13 - BIBLIA - traduson antigu in Krioulo

¹³ Bo ntreganu ki omis malvadu ku sta na Jibeá pa no mata elis, pa no pudi tira ki maldadi na Israel.” Fijus di Benjamin ka seta obi se ermons, ku sedu fijus di Israel.

Ŝefis 20:13 ပူးပေါင်းရင်းမြစ်များ

2 Samuel 20:1

I staba la un omi malvadu comadu Seba, fiju di Bikri, di jorson di Benjamin. Kila toka korneta i fala: “No ka tene parti na Davi, nin no ka ten nada ku fiju di Jesé! Israel! Kada kin pa si kau!”

2 Samuel 23:6

Ma jinti malvadu na botadu fora suma fidida ku ka pudi pegadu ku mon.

1 Reis 21:13

Dus malandru yentra, e bai dianti di Nabot, e testifika kontra el dianti di pobu, e fala: “Nabot papia mal kontra Deus ku rei.” Jinti lebal fora di prasa, e dal ku pedras tok i muri.

2 Kronikas 13:7

Utru omis malandru ku ka bali e junta ku el, e lanta kontra Reoboan, fiju di Salomon, ocal nobu, i ka tenba inda spiriensia, nin i ka pudiba risisti kontra elis.

2 Kronikas 25:16

Antis di i kaba papia, Amazias ruspundi i puntal: “Nta no pou pa bu sedu konsijadur di rei? Kala! Ke ku manda bu na buska matadu?” Anunsiadur kala, ma son dipus ki fala: “N oja kuma Deus marka ja pa kaba ku bo, pabia bu fasi e kusa, bu nega obi ña konsiju.”

2 Kronikas 25:20

Amazias nega obi, pabia i Deus ku staba tras des tudu, pa pudi ntrega elis na mon di se inimigus, manera ke adoraba deusis di edomeus.

Ditus 29:1

Omi ku raprindidu manga di bias, i ndurusi si korson, di repenti i na kebrantadu, i ka na ten kura.

Eklesiastis 11:10

Asin, lunjusi miskiñu di bu korson, bu libra bu kurpu di purblemas, pabia juventudi ku kirsimentu di forsa i bakatela.

Oseias 10:9

“O Israel, bu ka para peka disna di tempu di Jibeá. E toma pusison firmi la. Gera na Jibeá bin paña ki jinti ku fasi mal.

Oseias 9:9

E murguja na kurupson, suma na dias di Jibeá. Deus na lembra di se maldadi, i na kastiga se pekadus.

Romanus 1:32

E jinti e kunsi lei di Deus diritu, ku fala kuma kilis ku ta fasi e koldadi kusas e mersi mortu, ma i ka son kuma e ta fasil; tambi e ta kontenti pa utrus fasil.

2 Koríntius 6:15

Kuma ku Kristu ku Belial pudi fila? O kuma ku krenti pudi junta mon ku kil ki ka krenti?

Ripitison di Lei 13:13

e fala kuma omis malvadu lanta na bo metadi, e cuci moraduris di prasa, e fala elis: “Bo bin no bai adora utru deusis” (ku nunka bo ka kunsi),

Ripitison di Lei 13:5

Ki anunsiadur o suñadur ten ku matadu, pabia i fala bos pa bo ravolta kontra SIÑOR bo Deus, kil ku tira bos di Ejitu, i liberta bos di tera di katiberasku; ki algin buska disvianta bos di kamiñu ku SIÑOR bo Deus manda bos pa bo yanda nel. Asin bo dibi di tira ki mal na bo metadi.

Ripitison di Lei 13:6

Si bu ermon ku bu junta mame ku el, o bu fiju macu o femia, o bu minjer ku bu ama, o bu amigu di korson, misti cuciu, i falau na sigridu: “Bin no bai adora utru deusis” (deusis ku nin abo nin bu papes ka kunsi,

Ripitison di Lei 17:12

Kualker omi ku yalsa si ombra, i ka seta obi juis, nin saserdoti ku sta la pa sirbi SIÑOR bu Deus, ki omi ten ku matadu. Asin bu ta tira ki mal di Israel,

Ripitison di Lei 17:7

Ki tustumuñas ku na sedu purmeru jinti pa ferca pedra kontra el; dipus tudu jinti e ta junta ku elis pa matal. Asin bu na tira ki mal na bo metadi.

Ripitison di Lei 19:19

bu na fasil suma ki mistiba fasi si ermon. Asin bu ta tira ki mal na bo metadi.

Ripitison di Lei 21:21

Tudu omis di se prasa e na dal ku pedras tok i muri. Asin bu na tira ki mal na bo metadi; tudu jinti di Israel ku obi e noba e na medi.

Ripitison di Lei 22:21

e na leba minjer pa porta di kasa di si pape; omis di si prasa na dal ku pedra tok i muri, pabia i fasi kusa di borgoña na Israel, manera ki kai ku omi oca ki staba inda na kasa di si pape. Asin bu ta tira ki mal na bo metadi.

Ripitison di Lei 22:24

bo na leba elis pa porton di ki prasa, bo da elis ku pedra tok e muri. Minjer na matadu pabia i staba na prasa ma i ka grita; omi na matadu pabia i abusa na minjer di si kumpañer. Asin bu ta tira ki mal na bo metadi.

Ripitison di Lei 24:7

Si i diskubridu kuma algin furta un di si ermons israelita, pa tenel suma katibu o pa bindil, ki ladron ten ku matadu. Asin bu ta tira ki mal na bo metadi.

Ŝefis 19:22

Oca ke na divirti, omis malvadu di ki prasa da volta di kasa, e na maja porta, e fala omi beju, dunu di kasa: “Tira pa fora ki omi ku yentra na bu kasa, pa no pudi dita ku el.”

Ŝefis 20:12

Jorsons di Israel manda jinti pa tudu jorson di Benjamin pa bai fala elis: “Es i kal maldadi ku fasidu na bo metadi?

Ŝefis 20:14

E sai na prasas, e bai junta na Jibeá pa geria kontra fijus di Israel.

1 Samuel 2:25

Si algin yara si kumpañer, Deus pudi roga pa el, ma si un omi peka kontra SIÑOR, kin ku na roga pa el?” Ma e ka seta obi palabra di se pape, pabia SIÑOR mistiba ja mata elis.

1 Samuel 30:22

Ma tudu malandrus ku malvadus na metadi di kilis ku baiba ku Davi e fala: “Suma ke ka bai ku nos, no ka na da elis nada di kusas ku no toma, ma kada kin na toma si minjer ku si fijus, i bai.”