Ŝefis 20:1 - BIBLIA - traduson antigu in Krioulo

¹ Tudu fijus di Israel, desdi Dan te Berseba, suma tambi tera di Jilead, e junta suma un omi son, dianti di SIÑOR na Mizpá.

Ŝefis 20:1 ပူးပေါင်းရင်းမြစ်များ

2 Samuel 19:14

Asin e palabra toka na korson di tudu omis di Judá, suma e sedu un omi son. E manda fala rei: “Riba ku tudu bu omis.”

2 Samuel 2:9

i fasil rei riba di Jilead, ku jinti di Asuri, Jizreel, Efrain, Benjamin ku tudu Israel.

2 Samuel 24:2

Rei fala Joab, ŝef di tropas: “Pasa na tera di tudu jorson di Israel desdi Dan te na Berseba, bu fasi konta di omis di gera, pa N pudi sibi elis i kantu.”

2 Samuel 3:10

N na tira renansa na familia di Saul, N na pui Davi na tronu riba di Israel ku Judá, desdi Dan te na Berseba.”

1 Reis 5:5

SIÑOR papia ku ña pape Davi, i falal: ‘Bu fiju ku N na pui na tronu na bu lugar i na kumpu kasa na ña nomi.’ Asin N tene ja na ña sintidu pa kumpu kasa pa nomi di SIÑOR ña Deus.

2 Reis 25:23

Oca ku kapitons di tropas ku se omis obi kuma rei di Babilonia pui Jedalias pa i sedu gubernadur, e bai nunde el na Mizpá; ki ŝefis seduba Ismael, fiju di Netanias, Joanan, fiju di Kareá, Seraias, fiju di Tanumet di Netofá, ku Jazanias di Maaka.

1 Kronikas 21:2

Davi fala Joab ku utru ŝefis: “Bo bai fasi konta di israelitas desdi Berseba te na Dan, bo tisin konta, pa N sibi se numeru.”

2 Kronikas 30:5

E ruma pa i anunsiadu na tudu Israel, desdi Berseba te na Dan, pa jintis bin pa Jerusalen pa mati Paskua di SIÑOR Deus di Israel. Manga delis e ka ciga di matil na manera ki sta skritu na lei.

Esdras 3:1

Oca ku setimu mis ciga, fijus di Israel staba ja tudu rumadu na se prasas; e bai junta na Jerusalen suma un omi son.

Neemias 11:27

Azar-Sual ku Berseba, ku se tabankas na roda,

Neemias 8:1

Oca ku setimu mis ciga, fijus di Israel moraba ja na se prasas; tudu jinti junta, suma un algin son, na prasa, dianti di porton di yagu. E fala Esdras, pursor di lei, pa i tisi libru di lei di Moisés, ki lei ku SIÑOR daba Israel.

Jeremias 40:6

Asin Jeremias bai pa Jedalias, fiju di Aikan, na Mizpá, i sinta ku el na metadi di pobu ku fikaba na ki tera.

Numerus 32:1

Fijus di Ruben ku fijus di Gad e teneba manga di baka. E oja kuma tera di Jazer ku di Jilead i seduba bon kau di kria baka.

Numerus 32:40

Asin Moisés da Jilead pa makiritas, di jorson di Manasés; e bai sinta la.

Josué 15:38

Dilean, Mizpá, Jokteel,

Josué 17:1

Es i tera ku sorti da Manasés, ku sedu purmeru fiju di José. Makir, purmeru fiju di Manasés, seduba pape di jileaditas, ku risibiba ja Jilead ku Basan, pabia makiritas e seduba omis di gera.

Josué 18:26

Mizpá, Kefira, Moza,

Josué 22:12

e junta tudu na Siló pa bai geria kontra elis.

Josué 22:9

Asin rubenitas, gaditas ku metadi di jorson di Manasés, e dispidi fijus di Israel na Siló na tera di Kanaan, pa riba pa Jilead, se propi tera ke dadu konformi palabra di SIÑOR pa boka di Moisés.

Josué 4:13

Serka di korenta mil omi, yarmadu pa gera, e pasa, na pursensa di SIÑOR, pa kau rasu lungu di Jerikó, pruntu pa geria.

Ŝefis 10:17

Fijus di Amon comadu pa gera, e bai kampa na Jilead. Israelitas tambi junta, e bai kampa na Mizpá.

Ŝefis 11:11

Asin Jeftá bai ku garandis di Jilead; pobu pul suma ŝef, tambi kumandanti di gera. I ripiti dianti di SIÑOR na Mizpá tudu ki falaba.

Ŝefis 11:34

Oca ku Jeftá ciga na si kasa na Mizpá, si fiju femia sai, i na baja, pa bai kontra ku el, ku tambriña. El son ki padiba; i ka teneba nin utru fiju, nin macu nin femia.

Ŝefis 18:29

e coma si nomi Dan, konformi nomi di Dan se pape di antigu, fiju di Israel, ma nomi di ki prasa i seduba Laís.

Ŝefis 20:11

Asin tudu omis di Israel junta suma un omi son, e bai kontra ki prasa.

Ŝefis 20:18

Fijus di Israel lanta e bai pa Betel, e punta Deus: “Na no metadi, kin ku na bai purmeru pa bai geria kontra Benjamin?” SIÑOR fala: “Judá ku na bai purmeru.”

Ŝefis 20:2

Ŝefis di pobu ku tudu jorsons di Israel e pursenta na juntamentu di pobu di Deus, kuatrusentus mil soldadu di pe, yarmadu ku spadas.

Ŝefis 20:26

Tudu jinti di Israel bai pa Betel, e cora, e staba la dianti di SIÑOR, e junjuŋa ki dia te di tardi, e kema ofertas, e da tambi ofertas di pas dianti di SIÑOR.

Ŝefis 20:8

Tudu pobu lanta suma un omi son, e fala: “Nin un di nos ka na bai pa si kau. Nau, nin un di nos ka na riba pa si kasa.

Ŝefis 21:5

Fijus di Israel punta ŋutru nos i ten algin na tudu jorson di Israel ku ka bin pa juntamentu di SIÑOR. Pabia e fasiba un garandi juramentu kuma, kilis ku ka binba dianti di SIÑOR na Mizpá e ten ku matadu.

1 Samuel 10:17

Samuel coma pobu di Israel pa e junta dianti di SIÑOR na Mizpá,

1 Samuel 3:20

Tudu jinti na Israel, desdi Dan te Berseba, sibiba kuma Samuel konfirmaduba pa i sedu anunsiadur di SIÑOR.