Ŝefis 2:7 - BIBLIA - traduson antigu in Krioulo

⁷ Oca ku Josué staba di vida, pobu sirbi SIÑOR. Dipus di si mortu e kontinua na fasi asin nkuantu ki garandis staba inda di vida, kilis ku oja ki garandi kusas ku SIÑOR fasiba pa Israel.

Ŝefis 2:7 ပူးပေါင်းရင်းမြစ်များ

2 Reis 12:2

Joás yanda diritu dianti di SIÑOR tudu tempu ku saserdoti Jeoiada na orientalba,

2 Kronikas 24:2

I ta fasiba kil ki diritu dianti di SIÑOR tudu tempu ku saserdoti Jeoiada staba di vida.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Josué 24:31

Israel sirbi SIÑOR duranti tudu vida di Josué, ku tudu vida di garandis ku kontinua vivi dipus di Josué, ku sibi tudu ke ku SIÑOR fasiba pa Israel.

Ŝefis 2:17

ma e ka ta obiba ki ŝefis; e ta seduba infiel pa SIÑOR, e bai tras di utru deusis, e mpina se dianti. E ta disvia dipresa di kamiñu ku se papes yandaba, ku ta obiba mandamentus di SIÑOR. Elis e ka ta yandaba asin.

Ŝefis 2:6

Oca ku Josué dispidi fijus di Israel, kada kin bai toma konta di kau ki dadu pa yarda.

Ŝefis 2:8

Josué, servu di SIÑOR, fiju di Nun, i muri ku idadi di sentu i des anu.