Ŝefis 2:18 - BIBLIA - traduson antigu in Krioulo

¹⁸ Ora ku SIÑOR lantanda elis un ŝef, i ta staba ku ki ŝef, pa libra elis na mon di se inimigus, nkuantu ki ŝef staba di vida, pabia SIÑOR ta sintiba pena delis suma ke na jimi bas di kilis ku na maltrata elis, e dominaba elis.

Ŝefis 2:18 ပူးပေါင်းရင်းမြစ်များ

Kumsada 6:6

SIÑOR fika ripindidu manera ki kumpu omi na tera; si korson staba tristi.

2 Reis 13:4

Jeoakaz bai dianti di SIÑOR, i rogal. SIÑOR obi si orason, pabia i oja manera ku rei di Siria na kalka Israel dimas.

Salmus 12:5

SIÑOR fala: “N na lanta gosi, pabia frakus na kalkadu, koitadis na jimi. N na da elis ki suguransa ke dija.”

Salmus 90:13

SIÑOR, te kal tempu? Disa, bu ten pena di bu servus.

Saida 2:24

Deus obi manera ke na jimi, i lembra di kontratu ki fasi ku Abraon, Isak ku Jakó.

Saida 3:12

Deus falal: “Ami N na sta ku bo. Es i na sedu sinal di kuma i ami ku mandau. Ora ku bu kaba tira e pobu di Ejitu, bo na adora Deus ne monti.”

Saida 32:14

Asin, SIÑOR muda ideia di ki mal ki falaba kuma i na fasi si pobu.

Oseias 11:8

“Efrain, kuma ku N pudi disau? Israel, kuma ku N na ntregau? Kuma ku N pudi kastigau suma ku N fasi ku Admá? Kuma ku N na fasiu suma Zeboin? Ña korson muda, tudu ña amor sindi suma fugu ku na yardi.

Jonas 3:10

Deus oja ke ke na fasi, manera ke konverti di se kamiñu mau. I muda di ideia, i ka fasi elis ki mal ki falaba i na fasi.

Numerus 10:9

Ora ku inimigu ataka bos na bo tera, bo na sai pa bai geria ku el, bo na toka kornetas di kumpridu; asin SIÑOR bo Deus na lembra di bos, i na kaplinti bos di bo inimigus.

Ripitison di Lei 32:36

SIÑOR na fasi justisa pa si pobu, i na ten pena di si servus ora ki oja kuma e ka ten ja mas puder, nin i ka sobra katibu nin libri.

Josué 1:5

Ningin ka na firma bu dianti kontra bo na tudu dias di bu vida. Suma ku N staba ku Moisés, asin ku N na sta ku bo. N ka na disau, nin N ka na bandonau.

Ŝefis 10:16

E tira deusis strañu na se metadi, e bai na adora SIÑOR. Asin Deus ka pudi nguenta mas oja se kasabi.

Ŝefis 11:32

Asin Jeftá kamba riu pa bai geria kontra fijus di Amon. SIÑOR ntrega elis na si mon.

Ŝefis 2:19

Si ki ŝef muri, e ta rabida, e fasi kusa mas pior di ki se papes; e ta bai tras di utru deusis, e sirbi elis; e ta mpina se dianti. E nega disa ki kusas ke ta fasi, ku ki kamiñu mau ke ta yandaba nel.

Ŝefis 3:9

Oca ke yalsa fála e coma SIÑOR, el i bin lantanda un libertadur pa fijus di Israel, ku libra elis, ku sedu Otniel, fiju di Kenaz, ermonsiñu di Kaleb.

Ŝefis 6:12

Anju di SIÑOR parsi si dianti, i falal: “SIÑOR sta ku bo, omi forti di koraẑen.”

Ŝefis 6:16

SIÑOR falal: “Suma ku N na sta ku bo, bu na kaba ku midianitas suma e seduba un algin son.”