Ŝefis 18:20 - BIBLIA - traduson antigu in Krioulo

²⁰ Saserdoti fika kontenti. I toma efodi, ku idulus, ku imaẑen labradu, i bai juntu ku ki jinti.

Ŝefis 18:20 ပူးပေါင်းရင်းမြစ်များ

Ditus 30:15

Sambasuga tene dus fiju, ku sedu: Da, Da. I ten tris kusa ku nunka ka ta farta; i ten kuatru ku nunka ka ta fala: “I justa!” E sedu:

Isaias 56:11

Ki kacuris faimadu, e ka ta farta. E sedu bakiaduris sin ntindimentu; elis tudu e ta bai kau ke misti, kada kin pa buska pa si kabesa.

Ezekiel 13:19

Bo dana ña nomi na metadi di ña pobu, pa mon ku inci sevada o pa padas di pon. Bo mata jinti ku ka dibi di muri; bo salba vida di kilis ku ka dibi di fika bibu. Bo konta ña pobu mintida; e sukutal.

Ezekiel 21:21

Rei di Babilonia na pera na ntronkamentu nunde ku kamiñu ta rapati. I na bota sorti ku fleŝas, i na punta si idulus, i na jubi figadu di un limaria.

Oseias 4:3

E ku manda tera na seku; jinti ku mora nel na magru; elis tudu ku limarias di matu, ku kacus ku ta bua, te ku pis di mar, e na muri.

Sirmonias 26:1

“Ka bo kumpu idulus pa bos, nin ka bo lantanda statua, nin pedra sagradu; ka bo pui pedra labradu na bo tera pa bo mpina si dianti. Ami i SIÑOR bo Deus.

Atus 20:33

N ka kubisa ningin nin uru, nin prata, nin ropa.

Filipensis 3:19

ku na fin e na pirdi, pabia se deus i se bariga; e ta njata ku kusa di borgoña; e ta kuda son na kusa de mundu.

2 Pedru 2:3

Ku vontadi di ngaña diñeru e ta splora bos ku palabra di mintida. Se julgamentu ku markadu disna i ka na tarda. Se pirdison na pera elis ku uju abertu.

Ŝefis 17:10

Mika falal: “Fika ku mi, bu ta sedu suma ña pape ku ña saserdoti. Kada anu N na ba ta dau des mueda di prata, ku ropa, ku bu kumida.”

Ŝefis 18:19

E falal: “Kala boka, ka bu fala nada. Bin ku nos, bu ta sedu pape ku saserdoti pa nos. Nta i ka minjor pa bu sedu saserdoti di un jorson di Israel te pa bu sedu saserdoti di kasa di un omi son?”

Ŝefis 18:21

Asin e rabida e bai; e pui se mininus, se limarias ku kargus pa e pasa dianti.