Ŝefis 17:4 - BIBLIA - traduson antigu in Krioulo

⁴ Ma Mika torna si mame ki diñeru. Si mame toma duzentus mueda di prata, i da fereru; kila tomal, i labra un imaẑen, i fasi utru di prata. E pudu na kasa di Mika.

Ŝefis 17:4 ပူးပေါင်းရင်းမြစ်များ

Isaias 30:22

Bu idulus labradu, ku kubridu ku prata, ku bu imaẑens fundidu di uru, bu na tene elis suma kusa nujenti, bu bota elis fora suma panu susu, bu fala elis: “Bo sai di li!”

Isaias 44:13

Karpinteru ta midi ku regua, i riska ku lapis, i korta ku furmon, i diseña ku kompasu, i kumpu si deus parsidu ku omi ku tene forma bonitu, pa i pul na si kasasiñu di ronia.

Abakuk 2:18

“Un idulu ku omi labra, kal purbitu ki ten? I imaẑen son, ku ta nsina mintida, pa omi ku kumpul pudi fia na ki kusa ki kumpu, ma i na kumpu idulus ku ka pudi papia.

Ripitison di Lei 27:15

“Maldisuadu omi ku labra imaẑen, o i kumpu un idulu di feru, i pul na un kau sukundidu pa adoral, pabia kusa suma es ku omis kumpu i nujenti pa SIÑOR.” Tudu pobu na ruspundi e fala: “Amen.”

Ŝefis 17:3

Asin i torna si mame ki mil i sen mueda di prata, ma kila falal: “Ku tudu korson N na dedika e diñeru pa SIÑOR pa ña fiju, pa kumpu un imaẑen labradu, ku un son di prata. Ali N na tornau el.”

Ŝefis 17:5

Ki omi Mika teneba un kasasiñu di baloba. I kumpu un efodi, ku utru idulus; i pui un di si fijus pa i sedu si saserdoti.

Ŝefis 18:17

ma ki sinku omi ku bai spia tera e yentra na kasa, e toma ki imaẑen labradu, ku efodi, ku idulus, ku imaẑen di prata. Saserdoti firma na porton ku ki seizentus omi ku staba yarmadu pa gera.