Ŝefis 17:2 - BIBLIA - traduson antigu in Krioulo

² I fala si mame: “Bu lembra di ki mil i sen mueda di prata ke furtauba? N obiu bu na maldisua ki ladron. N tene ki diñeru; i ami ku tomalba.” Si mame falal: “SIÑOR ta bensuau, ña fiju.”

Ŝefis 17:2 ပူးပေါင်းရင်းမြစ်များ

Kumsada 14:19

I bensua Abron, i falal: “Deus ku sta riba di tudu, ku kumpu seu ku tera, pa i bensua Abron.

Neemias 13:25

N jusia ku ki omis, N maldisua elis, N suta utrus, N rinka elis kabelu, N pui elis pa e jurmenta na nomi di Deus, N fala: “Nunka mas bo ka na da bo fijus femia pa e kasa ku se fijus, nin bo ka na torna toma se fijus femia pa bo fijus, nin pa bos.

Salmus 10:3

Omi mau ta sinti orgulyu di si diseẑus. I ta fala ben di kil ku misti tudu; i ta koba mal kontra SIÑOR.

Saida 20:7

“Ka bu coma nomi di SIÑOR bu Deus na nada, pabia algin ku fasi asin, SIÑOR ka na ojal suma kin ku ka ten kulpa.

Ditus 28:24

Kil ku furta di si pape o mame, i fala: “I ka pekadu,” i kumpañer di danadur.

Jeremias 48:10

“Maldisuadu i ki algin ku sedu moli na tarbaju di SIÑOR! Maldisuadu i ki algin ku tuji si spada darma sangi!

Mateus 26:74

I kumsa na jurmenta ku palabras forti, i fala: “N ka kunsi ki omi.” Ki ora galu kanta.

Romanus 9:3

tok N ta tenba vontadi di sta bas di praga, separadu di Kristu, pa amor di ña ermons ku sedu ña parentis di sangi.

1 Koríntius 16:22

Si algin ka ama Siñor, pa i sedu maldisuadu. Maranata! Siñor, bin!

Ripitison di Lei 27:16

“Maldisuadu kil ku dispreza si pape o si mame.” Tudu pobu na ruspundi e fala: “Amen.”

2 Jon 1:11

pabia kil ku falal manteña i ta toma parti na kusas mau ki na fasi.

Ŝefis 17:1

I tenba un omi comadu Mika, di montaña di Efrain.

Ŝefis 17:3

Asin i torna si mame ki mil i sen mueda di prata, ma kila falal: “Ku tudu korson N na dedika e diñeru pa SIÑOR pa ña fiju, pa kumpu un imaẑen labradu, ku un son di prata. Ali N na tornau el.”

Ŝefis 5:23

Anju di SIÑOR fala: “Maldisua Meroz; maldisua ku forsa si moraduris, pabia e ka bin pa juda SIÑOR; e ka bin suma geriaduris pa judal.”

Ruti 3:10

Boaz falal: “SIÑOR ta bensuau, ña fiju. E bon kusa ku bu na fasi gosi i minjor di ki kil ku bu fasi purmeru, pabia bu ka pega tras di nin un de rapasis nobu, nin riku nin koitadi.

1 Samuel 14:24

Omis di Israel staba kansadu dimas na ki dia, pabia Saul jurmentaba, i fala: “Kualker omi ku kume aos antis di sol noti, tementi N ka vinga ña inimigus, i na sedu maldisuadu.” Asin ningin ka osa kume nada.

1 Samuel 14:28

Un soldadu falal: “Bu pape jurmenta, i fala tropas kuma, omi ku kume aos i na sedu maldisuadu. E ku manda jinti na dismaja ku fomi.”

1 Samuel 15:13

Samuel bai ojal. Saul falal: “SIÑOR ta bensuau! N kumpri ordi di SIÑOR.”

1 Samuel 23:21

Saul fala elis: “SIÑOR ta bensua bos, pabia bo ten pena di mi.

1 Samuel 26:19

N pidi Ñu Rei pa i obi e palabra di si servu. Si i SIÑOR ku na lantandau kontra mi, i bon pa i seta un oferta, ma si i omis ku na fasi asin, pa e sedu maldisuadu dianti di SIÑOR, pabia e serkan aos pa N ka ten parti na yardansa di SIÑOR, e na pun pa N bai sirbi utru deusis.