Ŝefis 17:10 - BIBLIA - traduson antigu in Krioulo

¹⁰ Mika falal: “Fika ku mi, bu ta sedu suma ña pape ku ña saserdoti. Kada anu N na ba ta dau des mueda di prata, ku ropa, ku bu kumida.”

Ŝefis 17:10 ပူးပေါင်းရင်းမြစ်များ

Kumsada 45:8

Asin i ka abos ku mandan li, ma i Deus, ku fasin pa N sedu pape di Faraó, ŝef di tudu si kasa, gubernadur di tudu tera di Ejitu.

2 Reis 13:14

Eliseu duensiba un duensa ku bin matal. Jeoás, rei di Israel, i bai pa el, i cora riba del, i fala: “Ña pape! Ña pape! Karus di Israel ku se kabalerus!”

2 Reis 2:12

Eliseu ojal, i grita: “Ña pape! Karus ku kabalerus di Israel!” Nunka mas i ka ojal. I pega na si kapa, i rumpil na dus padas.

2 Reis 6:21

Oca ku rei di Israel oja elis, i punta Eliseu: “Pa N mata elis, ña Pape? Pa N mata elis?”

Jo 29:16

N seduba pape pa kilis ku ka tene nada; si un algin strañu teneba purblema, N ta bai jubil diritu.

Isaias 22:21

N na bistil ku bu farda, N maral ku bu sintu, N ntregal bu otridadi. I na sedu suma pape pa moraduris di Jerusalen ku jorson di Judá.

Ezekiel 13:19

Bo dana ña nomi na metadi di ña pobu, pa mon ku inci sevada o pa padas di pon. Bo mata jinti ku ka dibi di muri; bo salba vida di kilis ku ka dibi di fika bibu. Bo konta ña pobu mintida; e sukutal.

Mateus 26:15

i punta elis: “Ke ku bo na dan pa N pudi ntrega bos el?” Elis e pesal trinta mueda di prata.

Bon Noba di Jesus Kristu ku Jon 12:6

Judas fala e kusa, i ka pabia i gosta di pobris, ma pabia i el ku ta tene bolsa di diñeru; i seduba ladron, i ta furta kusa ku ta puduba nel.

1 Timótiu 6:10

Amor pa diñeru i rais di tudu koldadi mal. Utru jinti buskal tok e disvia na fe; e fidi se vida ku manga di dur.

1 Pedru 5:2

N na pidi bos pa bo toma konta di krentis na bo metadi, ku sedu karnel di Deus. I ka obrigason, ma di bo libri vontadi, suma ku Deus misti; i ka ku spiritu intereseru, ma ku diseẑu di sirbi.

Ŝefis 17:11

Ki joven levita konkorda pa mora ku Mika, i fika suma un di si fijus.

Ŝefis 17:9

Mika puntal: “Nunde ku bu sai?” I ruspundil: “Ami i levita di Belen di Judá. N sai pa buska nunde ku N pudi mora nel.”

Ŝefis 18:4

I konta elis ke ku Mika fasi pa el, i fala: “I ta pagan; ami N ta sirbil suma saserdoti.”

1 Samuel 2:36

Kualker ku fika na bu jorson i na bin mpina si dianti pa pidi un mueda di prata ku un padas di pon, i na rogal pa i ranjal kualker sirvis di saserdoti, pa i pudi oja un bokadu di kumida.’ ”