Ŝefis 16:28 - BIBLIA - traduson antigu in Krioulo

²⁸ Sanson coma SIÑOR i fala: “SIÑOR Deus, N pidiu pa bu lembra di mi, bu dan forsa son e bias, o Deus, pa N pudi da un pankada, N vinga filisteus pa ña dus uju.”

Ŝefis 16:28 ပူးပေါင်းရင်းမြစ်များ

2 Kronikas 20:12

A no Deus! Nta bu ka na julga elis? No ka ten forsa dianti di ki manga di jinti ku na bin kontra nos. No ka sibi ke ku no dibi di fasi, ma no uju sta na bo.”

Salmus 10:12

SIÑOR, lanta! O Deus, yalsa bu mon; ka bu diskisi di koitadis.

Salmus 116:4

Asin N coma nomi di SIÑOR, N fala: “O SIÑOR, salban!”

Salmus 143:12

Na bu bondadi, mata ña inimigus; kaba ku tudu kilis ku na kansan, pabia ami i bu servu.

Salmus 50:15

Coman na dia di foronta; N na librau; bu na glorifikan.”

Salmus 91:15

I na coman, N na kudil. N na sta ku el na foronta, N na libral, N dal rispitu dianti di jinti.

Jeremias 15:15

SIÑOR, abo ku sibi; lembra di mi, bu toma konta di mi, bu torna vingansa pa jinti ku na pirsigin. Ten pasensa, ka bu rabatan. Bu sibi kuma N kobadu mal pabia di bo.

Jonas 2:7

Oca N sinti kuma N na pirdi ña vida, N lembra di SIÑOR; ña orason ciga nunde bo na bu templu sagradu.

2 Timótiu 4:14

Alŝandri, latueru, i fasin muitu mal. Siñor ta pagal suma ki fasi.

Ebreus 11:32

Ke mas ku N pudi fala? I ta faltan tempu pa N konta di Jidion, Barak, Sanson, Jeftá, Davi, Samuel ku anunsiaduris.

Apokalipsi 6:10

E grita ku garandi vos, e punta; “Siñor ku ten tudu puder, santu, di bardadi, kantu tempu ku no na pera pa bu julga, bu vinga kilis ku sta na tera ku darma no sangi?”

Ŝefis 15:18

Manera ki teneba sedi di yagu dimas, i coma SIÑOR i falal: “Bu da bu servu e garandi vitoria. Nta N na bin muri gora ku sedi di yagu, pa N bin kai na mon de jinti ku ka sirkunsidadu?”

Ŝefis 16:27

Kasa (ku sedu baloba) i inci ku omis ku minjeris. I staba la tambi tudu ŝefis di filisteus. Na bankada di purmeru andar i staba serka di tris mil omi ku minjer, ku na jubiba Sanson i na fasi tiatru.

Ŝefis 16:29

Asin Sanson pega ki dus pilar di metadi ku nguentaba ki baloba, i stika kurpu na se metadi; si mon direita staba na un, si skerda staba na utru.

Ŝefis 5:31

O SIÑOR, asin ki bon pa tudu bu inimigus muri! Ma kilis ku amau, pa e sedu suma sol ora ki na sai na si forsa. Tera bin ten pas pa korenta anu.