Ŝefis 16:25 - BIBLIA - traduson antigu in Krioulo

²⁵ Oca ke sta tudu kontenti, e fala: “Bo coma Sanson pa i bin fasi tiatru no dianti.” E bai coma Sanson na kalabus pa i bai fasi tiatru se dianti. E pul pa i firma na metadi di pilaris.

Ŝefis 16:25 ပူးပေါင်းရင်းမြစ်များ

2 Samuel 13:28

Absalon da ordi pa si rapasis, i fala elis: “Bo sta ku atenson! Ora ku Amnon caskia ja ku biñu, si N da bos ordi, bo ta matal. Ka bo ten medu. Nta i ka ami ku da ordi? Bo mara koraẑen, bo sedu omis!”

1 Reis 20:12

Ben-Adad obi ki palabra oca ku el ku ki reis na bibiba na se tendas; i fala si ŝefis: “Bo purpara pa ataka ki prasa.”

Ester 1:10

Na setimu dia, oca korson di rei Asueru staba ja kontenti pabia di biñu, i manda seti funsionariu ku ta sirbilba, ku sedu Meuman, Bizta, Arbona, Bigta, Abagta, Zetar ku Karkas,

Ester 3:15

Asin, kuriduris ofisial bai kinti-kinti konformi ordi di rei. Ki lei anunsiadu na prasa fortifikadu di Susan. Rei ku Aman e sinta pa bibi, ma prasa di Susan staba na kunfuson.

Salmus 69:12

Kilis ku ta sinta na porton di prasa e ta papia kontra mi; N sedu kantiga pa camiduris.

Salmus 69:26

pabia e ta pirsigi kil ku bu molosta; e ta papia aserka di dur di kilis ku bu kastiga.

Isaias 22:13

Ma ke ki na oja? Bo na ri, bo kontenti, bo mata bakas ku karnel, bo kume karni, bo bibi biñu, bo fala: “No kume, no bibi, pabia amaña no na muri.”

Mateus 27:29

e kumpu un koroa di fidida, e pul na kabesa; e pui un kana na mon direita, e finka juju si dianti, e fasil trosa, e fala: “Viva, Rei di judeus!”

Ebreus 11:36

Utrus fasidu trosa, e sutadu; utrus pudu korenti, e ficadu na kalabus.

Ŝefis 16:24

Oca ku jinti ojal, e na ngababa se deus, e na kanta: “No deus danu no inimigu na no mon, kil ku ta danaba no tera, i ta mata-mataba no jinti.”

Ŝefis 16:26

Sanson fala rapas ku pegal na mon: “Leban pa ki pilaris ku nguenta e kasa, pa N pudi ngosta nelis.”

Ŝefis 18:20

Saserdoti fika kontenti. I toma efodi, ku idulus, ku imaẑen labradu, i bai juntu ku ki jinti.

Ŝefis 19:6

Asin ki dus omi sinta e kume juntu, e bibi. Pape di minjer fala omi: “Ten pasensa, bu ta pasa mas e di noti li, bu divirti.”

Ŝefis 19:9

Dipus, omi lanta pa bai, ku si kumadri, ku si rapas. Si sogru, pape di minjer, falal: “Sol na kai ja; i tardi dimas. Ten pasensa, bu ta pasa noti li, bu divirti. Amaña bu ta mandurga, bu bai bu kamiñu pa bu kasa.”

Ŝefis 9:27

Un dia e bai pa orta, e bai kuji uvas, e pirmi elis, e fasi sirmonia, e bai pa baloba di se deus, e kume, e bibi, e na papia mal di Abimelek.