Ŝefis 16:13 - BIBLIA - traduson antigu in Krioulo

¹³ Dalila fala Sanson: “Te gosi bu na fasin trosa, bu kontan mintidas. Kontan kusa ku bu pudi maradu ku el.” I falal: “Si bu toma ki seti ponta di ña kabelu, bu tisil juntu ku liña di fisial, bu fiksal ku pinti, N ta bida fraku suma kualker omi.” Asin Dalila pul pa i durmi, i toma ki seti ponta di kabelu, i tisil juntu ku liña di fisial,

Ŝefis 16:13 ပူးပေါင်းရင်းမြစ်များ

Ŝefis 14:17

I cora pa el tudu ki seti dia di festa di kasamenti. Na setimu dia i bin kontal pabia i na ŝatialba ciu. Asin i bai konta si parentis rasposta di ki adiviña.

Ŝefis 16:10

Dalila fala Sanson: “Abo bu na fasin trosa, bu kontan mintida. Kontan gosi ke ku bu pudi maradu ku el.”

Ŝefis 16:12

Asin Dalila ranja kordas nobu, i maral ku elis, oca ku omis sukundiduba ja na si kuartu. I falal: “Sanson! Ali filisteus na bin pa bo!” I sapa kordas na si mon suma un fiu.

Ŝefis 16:14

i fiksal ku pinti, i falal: “Sanson! Ali filisteus na bin pa bo!” I korda di si sonu, i rinka pinti na pontas di kabelu juntu ku liña di fisial.