Ŝefis 13:5 - BIBLIA - traduson antigu in Krioulo

⁵ pabia bu na preña, bu na bin padi un fiju ku nunka faka ka na pasa na si kabelu. Mininu na sedu nazireu, dedikadu pa Deus desdi bariga di si mame. I na kumsa libra Israel na mon di filisteus.”

Ŝefis 13:5 ပူးပေါင်းရင်းမြစ်များ

2 Samuel 8:1

Mas tardi, Davi ngaña filisteus, i domina elis, i tira Meteg-Ama na se mon.

1 Kronikas 18:1

Dipus di kila, Davi torna ngaña filisteus, i domina elis, i roba elis prasa di Gat ku si tabankas na roda.

Amos 2:11

N kuji utru di bo fijus pa e sedu anunsiaduris, N kuji utru di bo jovens pa e sedu nazireus. I ka asin, fijus di Israel?” Asin ku SIÑOR punta.

Numerus 6:5

“Nkuantu i sta bas di si votu di nazireadu, si kabelu ka na kortadu nin rapadu. Tementi i ka kompleta ki dias ki sta separadu pa SIÑOR, i na sedu sagradu; i na disa kabelu di si kabesa kirsi.

Lukas 1:15

pabia i na sedu algin garandi dianti di Siñor. I ka na bibi biñu nin bibida forti. Spiritu Santu na sta nel desdi bariga di si mame.

Ŝefis 16:17

tok i kontal tudu si sigridu, i falal: “Nunka faka ka pasa na ña kabelu, pabia ami i nazireu, dedikadu pa Deus disna di bariga di ña mame. Si N rapadu, ña forsa na sai na mi, N na sedu fraku suma kualker omi.”

1 Samuel 1:11

i fasi votu i fala: “SIÑOR ku ten tudu puder! Si bu jubi pa ña kasabi, bu lembra di mi, bu ka diskisi di bu servu, ma bu dan un fiju macu, N na ntrega SIÑOR el tudu tempu di si vida; faka ka na pasa na si kabelu.”

1 Samuel 7:13

Asin filisteus pudu bas; nunka mas e ka bin na tera di Israel, pabia mon di SIÑOR staba kontra filisteus duranti tudu vida di Samuel.