Ŝefis 11:39 - BIBLIA - traduson antigu in Krioulo

³⁹ Oca ki dus mis kaba, i riba nunde si pape. Kila bai fasi suma ki falaba. Asin i muri sin i ka kasadu. I bin sedu kustumu na Israel,

Ŝefis 11:39 ပူးပေါင်းရင်းမြစ်များ

2 Kronikas 35:25

Jeremias kumpu un kantiga pa miskiña Josias. Tudu kantaduris macu ku femia e ta kanta aserka di Josias te aos. Ki kantigas bin sedu kustumu na Israel; e sta skritu na libru di Kantigas di Miskiñu.

Isaias 66:3

Kil ku mata turu i suma kil ku mata algin; kil ku sakrifika fiju di karnel i suma kil ku kebra garganti di kacur; kil ku pursenta oferta di kumida i suma kin ku pursenta sangi di purku; kil ku kema nsensu i suma kil ku adora un idulu. Esis e kuji se propi kamiñu, e ta fika kontenti ku se kusas nujenti.

Ripitison di Lei 12:31

Ka bu adora SIÑOR bu Deus di ki manera ke ta adoraba se deusis, pabia e fasiba tudu kusa nujenti ku SIÑOR ka gosta del; te se fijus macu ku femia, e kema elis na fugu suma sakrifisiu pa se deusis.

Ŝefis 11:31

si N riba ku pas pa ña kau, purmeru ku sai na porta pa bin kontra ku mi i na sedu di SIÑOR; N na dal suma oferta kemadu.”

Ŝefis 11:38

I falal: “Bai.” I disal bai pa dus mis; i bai ku si kumpañeris pa montis, i cora manera ki na muri sin kasa.

Ŝefis 11:40

pabia kada anu bajudas di Israel ta sai kuatru dia pa lembra di fiju di Jeftá di Jilead.

1 Samuel 1:11

i fasi votu i fala: “SIÑOR ku ten tudu puder! Si bu jubi pa ña kasabi, bu lembra di mi, bu ka diskisi di bu servu, ma bu dan un fiju macu, N na ntrega SIÑOR el tudu tempu di si vida; faka ka na pasa na si kabelu.”

1 Samuel 1:22

Ana ka bai, ma i fala si omi: “Ora ku mininu sai na mama, N na lebal pa pursental dianti di SIÑOR, pa i bai fika la pa sempri.”

1 Samuel 1:24

Oca ki tiral na mama, i toma turu di tris anu, vinti kilu di foriña, ku biñu na un saku di kuru, i lebal pa kasa di SIÑOR na Siló; mininu seduba inda pikininu dimas.

1 Samuel 1:28

Asin tambi N na ntregal pa SIÑOR pa tudu tempu di si vida, pabia N pidil na mon di SIÑOR.” Asin i adora SIÑOR la.

1 Samuel 2:18

Samuel na tarbajaba dianti di SIÑOR ocal inda rapas, bistidu ku efodi di liñu.