Salmus 9:8 - BIBLIA - traduson antigu in Krioulo

⁸ El mesmu na julga mundu ku justisa, i na guberna nasons ku retidon.

Salmus 9:8 ပူးပေါင်းရင်းမြစ်များ

Kumsada 18:25

I ka pudi sedu pa bu fasi kusa suma es, bu mata justus juntu ku jinti mau! Nta algin justu i ta tratadu suma algin mau? I ka pudi sedu! Nta Juis di tudu mundu i ka ta fasi kusa diritu?”

Salmus 10:16

SIÑOR i Rei pa sempri. Utru nasons na rinkadu di si tera.

Salmus 29:10

SIÑOR ta rena riba di diluviu; SIÑOR ta sinta suma Rei pa sempri.

Salmus 50:6

Seu na anunsia kuma Deus i justu; i el propi ku sedu Juis. Sela

Salmus 94:15

Julgamentu na torna fasidu ku justisa; tudu jinti di korson retu na apoial.

Salmus 96:13

dianti di SIÑOR, pabia i na bin, i na bin pa julga mundu. I na julga mundu ku justisa, i na julga nasons ku si bardadi.

Salmus 98:9

dianti di SIÑOR, pabia i na bin pa julga mundu; i na julga mundu ku justisa; i na julga nasons ku si bardadi.

Salmus 99:4

Rei puderosu, bu ama justisa; bu ta firmanta retidon. Na Israel bu ta fasi kil ku sedu justu i sertu.

Saida 15:18

SIÑOR na rena pa sempri; si renu ka na kaba.”

Jeremias 10:10

Ma SIÑOR i Deus di bardadi; el i Deus bibu, Rei pa sempri. Si i paña raiba, con ta tirmi; nasons ka pudi nguenta si raiba.

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Romanus 2:16

Asin ki na sedu na dia ku Deus ku Siñor Jesus Kristu ten ku julga sigridu di jinti, suma Bon Noba, ku N ta konta, fala.