Salmus 9:6 - BIBLIA - traduson antigu in Krioulo

⁶ Inimigus kabadu ku el di un bias; bu dana se prasas; e pirdi, tudu ku se lembransa.

Salmus 9:6 ပူးပေါင်းရင်းမြစ်များ

2 Reis 19:25

“‘Nta bu ka obi kuma N marka e kusas disna? Na tempu antigu N forma ña planu; gosi ja N pul na pratika. N pou pa bu dana prasas forti tok e bida montis di pedra.

Jo 18:17

Si lembransa na pirdi na mundu; i ka na tene nomi na prasas.

Salmus 34:16

Rostu di SIÑOR sta kontra kilis ku ta fasi mal, pa pui pa mundu ka lembra delis mas.

Salmus 34:17

Justus ta coma; SIÑOR ta obi elis, i libra elis di tudu se kasabi.

Salmus 46:9

I ta para gera na tudu ladu di mundu; i ta kebra mansasa, i sapa-sapa kañaku, i kema karus na fugu.

Salmus 7:5

si N fasi ki mal, inimigu pa i pirsigin, i pañan, i masa ña vida na con, i rasta ña gloria na reia. Sela

Salmus 8:2

Bu pui pikininus ku mininus di mama pa e yabri se boka, e ngabau; bu fasi asin pabia di bu inimigus, pa kalanta inimigu ku vingadur.

Saida 14:13

Moisés fala pobu: “Ka bo panta; bo ten koraẑen; bo na jubi kuma ku SIÑOR na libra bos. E ejipsius ku bo na oja aos, nunka mas bo ka na oja elis.

Saida 15:16

spantu ku medu na kai riba delis. Pabia di forsa di bu mon e na fika ketu suma pedra, te ora ku bu pobu pasa, o SIÑOR, te ora ku pobu ku bu kumpra e kaba pasa.

Isaias 14:17

I el ku torna mundu suma lala, i dana si prasas? I el ku ta tujiba si katibus pa e bai se kau?’

Isaias 26:14

Elis e muri ja, e ka na torna bibu; se spiritus ka na torna riba pa tera. Asin bu kastiga elis, bu kaba ku elis, bu pui pa e ka lembradu mas.

Isaias 37:26

“‘Nta bu ka obi kuma N tarda marka e kusa? Disna di tempu mas antigu N pensalba ja. Gosi N kumpril, N pui pa bu bidanta prasas forti muntudu.

Jeremias 51:25

Ami, SIÑOR, N sta kontra bo, o monti danadur, ku ta dana tudu mundu. N na distindi ña mon kontra bo, N na rolau na pedra altu tok bu kai bas. N na fasiu un monti di ŝama di fugu.

Mikeias 7:10

Dipus, ña inimigu na oja e kusa, i na kubri ku kunfuson. I ki inimigu ku puntan: “Nunde ku bu Deus sta?” Ña uju na ojal ora ki na masadu suma lama na rua.

Mikeias 7:8

O ña inimigu, ka bu ŋumnin. Mesmu ku N kai, N na lanta; nin si N sinta na sukuru, SIÑOR na sedu ña lus.

1 Koríntius 15:26

Ultimu inimigu ku na kabadu ku el i mortu.

Apokalipsi 20:2

I prindi dragon, ki antigu serpenti ku comadu diabu o Satanas, i maral pa mil anu.

1 Samuel 30:1

Na terseru dia Davi ku si omis ciga na Ziklag. Amalekitas yentraba ja na sul, e ataka Ziklag, e pui fugu la.

1 Samuel 31:7

Oca israelitas ku staba na reẑion di kobon ku di riu Jordon oja kuma tropas di Israel na kuri, e obi kuma Saul ku si fijus muri, e bandona prasas, e kuri; filisteus bin mora la na ki prasas.