Salmus 83:2 - BIBLIA - traduson antigu in Krioulo

² Jubi kuma ku bu inimigus na turmenta; kilis ku ten odiu di bo e yalsa se kabesa.

Salmus 83:2 ပူးပေါင်းရင်းမြစ်များ

2 Reis 19:28

Manera ku N obi di bu raiba kontra mi, ku bu orgulyu, N na pui ña ansol na bu naris, ña freiu na bu boka, N na pou pa bu riba na kamiñu ku bu bin nel.’

Salmus 109:1

O Deus ku N ta ngaba, ka bu kala,

Salmus 74:23

Ka bu diskisi di gritaria di bu inimigus; jumbulumani di kilis ku ta lanta kontra bo i na buri kada bias mas.

Salmus 74:4

Bu inimigus na grita na metadi di lugar di juntamentu; e yalsa se banderas suma sinal.

Salmus 81:15

Kilis ku ten odiu di SIÑOR e na ribaba tras ku medu; se kastigu na kontinuaba pa sempri.

Salmus 93:3

Mar ta lanta, o Deus; mar ta lantanda si baruju; i ta lantanda si maron,

Isaias 17:12

Koitadi di manga di nason garandi ku na somna suma mar; se baruju sedu suma baruju di yagu ku lanta ku forsa.

Isaias 37:23

Kin ku bu na koba, bu fala mal del? Kin ku bu yalsa fála kontra el oca ku bu yalsa uju ku orgulyu? Bu fasil kontra Deus Santu di Israel!

Isaias 37:29

N obi di bu raiba kontra mi manera ku bu yalsa ombra; pabia di kila N na pui ansol na bu naris, ku freiu na bu boka, N na ribantau pa kamiñu ku bu bin.’

Jeremias 1:19

E na geria kontra bo, ma e ka na ngañau, pabia N na sta ku bo pa librau.” Asin ku SIÑOR fala.

Mateus 27:24

Pilatus oja kuma i ka na pudi fasi nada, ma baruju mas na buri nan. I pidi yagu, i laba mon dianti di pobu, i fala: “N ka ten kulpa na mortu de omi justu. Kulpa i di bos.”

Atus 16:22

Tudu jinti lanta e junta kontra elis. Juisis rumpi elis ropa, e manda suta elis ku manduku.

Atus 17:5

Utru judeus ku inci ku nveẑa e toma utru omis mau na metadi di amontons, e junta pobu, e turmenta prasa, e bai pa bai romba kasa di Jason, e buska Paulu ku Silas pa tira elis pa ntrega na tribunal di pobu.

Atus 21:30

Tudu prasa turmenta. Jinti kuri di tudu ladu, e paña Paulu, e rastal fora di kasa di Deus. Logu porta fica.

Atus 22:22

Jinti sukutal tok i ciga ne palabra. E kumsa na grita, e fala: “Mata e omi! Algin suma el i ka mersi sta na mundu!”

Atus 23:10

Jus torna forti dimas, tok kumandanti medi pa ka e sapa-sapa Paulu. I manda coma soldadus pa e bin tiral na se metadi, pa e lebal pa kuartel.

Ŝefis 8:28

Asin midianitas bin fika bas di fijus di Israel; nunka mas e ka lantanda se kabesa. Tera bin ten pas pa korenta anu nkuantu Jidion staba di vida.