Salmus 83:10 - BIBLIA - traduson antigu in Krioulo

¹⁰ Elis e kabadu ku el na Endor, e bida suma strumu na con.

Salmus 83:10 ပူးပေါင်းရင်းမြစ်များ

2 Reis 9:37

Si kadaver na pajigadu la suma susidadi di limaria na con, di manera ku ningin ka na pudi fala kuma, es i Jezabel.’ ”

Jeremias 16:4

E na muri di duensa mau; jinti ka na cora elis, nin e ka na nteradu, ma e na sedu suma strumu na con. Spada ku fomi na kaba ku elis; se difuntus na sedu kumida pa kacus ku limarias di matu.

Jeremias 8:2

e na distindidu na sol ku lua ku tudu strelas di seu, ku sedu kusas ke amaba, ke sirbiba, ke kuriba se tras, ke punta, ke mborka pa elis. Ki os ka na juntadu nin nteradu, ma e na sedu strumu pa con.

Sofonias 1:17

N na kastiga jinti tok e na yanda suma segus, pabia e peka kontra mi, SIÑOR. Se sangi na darmadu suma reia; se difuntus na botadu suma liŝu.

Josué 17:11

Na tera di Isakar ku di Aser, Manasés teneba Bet-Sean ku Ibleon, ku se tabankas na roda; e teneba tambi jinti ku mora na Dor, na Endor, Taanak, ku Mejidu, tudu ku se tabankas na roda.

Ŝefis 4:15

Oca ku Barak na ataka, SIÑOR pui Sísera ku tudu si karus ku si tropas pa e ngañadu ku spada. Sísera ria na karu, i kuri.

Ŝefis 4:16

Barak bai tras di karus ku tropas te na Aroset-di-Jintius. Tudu tropas di Sísera matadu ku spada; nin un son ka fika.

Ŝefis 5:21

Riu di Kison rasta elis, ki riu antigu, riu di Kison. Ña alma, marŝa pa dianti ku forsa!

Ŝefis 7:25

E prindi dus ŝef di midianitas, ku sedu Oreb ku Zeeb. E mata Oreb na pedra garandi di Oreb, e mata Zeeb tambi na kau di masa uvas di Zeeb. E kontinua na serka midianitas. Dipus e tisi kabesa di Oreb ku di Zeeb pa Jidion ku staba lungu di Jordon.

1 Samuel 28:7

I fala si ŝefis: “Bo buskan un minjer ku ta konsulta difuntus, pa N pudi bai puntal.” E falal kuma i ten un son na Endor.