Salmus 82:5 - BIBLIA - traduson antigu in Krioulo

⁵ “Bo ka sibi nada, nin bo ka ntindi; bo ta yanda na sukuru. Tudu alisersus di mundu sosial na balansa.

Salmus 82:5 ပူးပေါင်းရင်းမြစ်များ

Jo 8:9

Pabia anos, no padidu aonti, no ka sibi nada. No dias na mundu sedu suma sombra.

Salmus 11:3

Si alisersus na danadu, ke ku justu pudi fasi?”

Salmus 14:4

Nta kilis ku ta fasi pekadu e ka ntindi? E ta kume ña pobu suma jinti ta kume pon; e ka ta coma nomi di SIÑOR.

Salmus 53:4

Nta kilis ku ta fasi pekadu e ka ntindi? E ta kume ña pobu suma ku jinti ta kume pon; e ka ta coma nomi di Deus.

Salmus 75:3

Mundu ku tudu si moraduris na bulbulidu, ma ami, N na fortifika si firkijas. Sela

Salmus 99:1

SIÑOR na rena; nasons pa e tirmi! El i sinta na tronu na metadi di kirubins; tera pa i bulbuli!

Ditus 1:29

E disgosta di kuñisimentu, e ka kuji rispitu pa SIÑOR.

Ditus 2:13

di kilis ku disa kamiñu retu pa yanda na kamiñu sukuru,

Ditus 4:19

ma kamiñu di omis mau i sukuru; nin e ka ta sibi ke ku pui elis pa e kai.

Eklesiastis 2:14

Jiru tene uju na si kabesa; tulu ta yanda na sukuru, ma N bin rapara kuma mesmu kusa ta pasa ku elis tudu.

Eklesiastis 3:16

N rapara utru kusa ne mundu li: Na kau di julgamentu, nunde ku justisa dibi di fasidu, maldadi sta la.

Isaias 5:7

Orta di uva di SIÑOR ku ten tudu puder i sedu pobu di Israel; jinti di Judá e sedu planta ki gosta ciu del. I na speraba pa e fasi justisa diritu, ma i oja sangi darmadu; i na speraba pa e yanda diritu, ma i obi gritus di jinti ku na maltratadu.

Isaias 59:9

E ku manda justisa sta lunju di nos; retidon ka ta yangasanu. No ta pera lus, ma son sukuru ku ten. No ta pera lus di parmaña, ma no ta yanda na sombra sukuru.

Mikeias 3:1

Ami N fala: “Bo sukuta, abos ŝefis di pobu di Israel. Nta i ka abos ku dibi di kunsi justisa?

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Bon Noba di Jesus Kristu ku Jon 3:19

Kondenason i es: lus bin mundu, ma jinti ama mas sukuru di ki lus, pabia kusas ke ta fasi i mau.

Romanus 1:28

Suma ke ka mporta pa kunsi Deus, Deus tambi bandona elis pa pensamentu mau pa e fasi kusas ku ka bali.

2 Timótiu 2:19

Deus pui un alisersu firmi ku ka pudi bulbulidu; riba del i skirbidu e palabra: “Siñor kunsi kil ki di sil.” Tambi i fala: “Kil ku ta coma nomi di Siñor dibi di lunjusi di fasi mal.”

1 Jon 2:11

ma kil ku nfastia si ermon i sta na sukuru; i na yanda na sukuru; i ka sibi nunde ki na bai, pabia sukuru segal uju.