Salmus 8:3 - BIBLIA - traduson antigu in Krioulo

³ Ora ku N jubi pa seu, tarbaju di bu mon, lua ku strelas ku bu koloka na se lugar,

Salmus 8:3 ပူးပေါင်းရင်းမြစ်များ

Kumsada 1:1

Na kumsada Deus kumpu seu ku tera.

Jo 22:12

“Deus sta la riba na seu; i ta jubi pa strelas bas del, kontudu, pa nos, strelas i altu.

Jo 25:3

Nta algin pudi fasi konta di si tropas? I ten algin ku si lus ka ta lanta riba del?

Jo 25:5

Te lua ojadu ku falta di lus, strelas ka puru na si uju;

Jo 36:24

Lembra di ngaba si tarbaju, ku omis ta ngaba ku kantiga.

Salmus 104:19

Bu kumpu lua pa marka tempus di anu; sol kunsi ora ki dibi di kai.

Salmus 111:2

Kusas ku SIÑOR fasi i garandi; kilis ku ta kontenti ku elis e ta pensa ciu nelis.

Salmus 148:3

Sol ku lua, bo ngabal; tudu strelas ku ta numia, bo ngabal.

Salmus 19:1

Seu ta konta gloria di Deus, i ta mostra tarbaju di si mon.

Salmus 33:6

SIÑOR kumpu seu ku si palabra, ku si folgu i kumpu tudu strelas ku lua ku sol.

Salmus 89:11

Seu i di bo, ku tera tambi. I abo ku kumpu mundu, ku tudu ku sta nel.

Saida 31:18

Oca ku Deus kaba papia ku Moisés na monti Sinai, i dal dus tagua di pedra nunde ku Deus skirbi lei ku si propi dedu.

Saida 8:19

Jambakusis fala Faraó: “Es i mon di Deus.” Ma korson di Faraó torna mas risu; i ka seta obi Moisés ku Aron, suma ku SIÑOR falaba ja.

Lukas 11:20

Ma si i ku dedu di Deus ku N ta serka dimonius, bo pudi sibi sertu kuma renu di Deus ciga pa bos.

Romanus 1:20

Si koldadi ku ka ta ojadu ku uju, ku sedu si puder sin fin suma el i Deus, i un kusa klaru disna ki kumpu mundu; i ojadu pabia di kusas ki kumpu. Asin e jinti ka ten diskulpa.

Ripitison di Lei 4:19

Si bo yalsa uju pa seu, bo oja sol ku lua ku strelas, tudu e kusas ku ta ojadu la, ka bo nganadu pa mpina se dianti, pa adora ki kusas ku SIÑOR bo Deus rapati pa tudu parti di mundu pa tudu rasas.