Salmus 8:2 - BIBLIA - traduson antigu in Krioulo

² Bu pui pikininus ku mininus di mama pa e yabri se boka, e ngabau; bu fasi asin pabia di bu inimigus, pa kalanta inimigu ku vingadur.

Salmus 8:2 ပူးပေါင်းရင်းမြစ်များ

Salmus 148:13

pa e ngaba nomi di SIÑOR, pabia si nomi sta riba, el son; si gloria sta riba di tera ku seu.

Salmus 4:4

Si bo paña raiba, ka bo peka. Bo papia ku bo kabesa na kama, bo fika ketu. Sela

Salmus 44:16

pabia di palabras di kilis ku na koban, e fasin trosa, tambi pabia di inimigu ku misti vinga.

Salmus 46:10

I fala: “Bo keta, bo sibi kuma ami i Deus; N na garandisidu na metadi di nasons; N na garandisidu riba di mundu.”

Salmus 57:6

E distindi ridia pa ña pe; N fika muitu batidu; e yabri koba na kamiñu ku N na baiba, ma i elis propi ku bin kai nel. Sela

Saida 11:7

ma na metadi di israelitas nin un kacur ka na ladra kontra kualker omi nin limaria.’ Asin bo na sibi kuma SIÑOR ta diferensia ejipsius ku israelitas.

Saida 15:16

spantu ku medu na kai riba delis. Pabia di forsa di bu mon e na fika ketu suma pedra, te ora ku bu pobu pasa, o SIÑOR, te ora ku pobu ku bu kumpra e kaba pasa.

Isaias 40:31

ma kilis ku na pera na SIÑOR e na arnoba se forsa. E na subi ku asas suma agia, e na kuri sin kansa, e na yanda sin pirdi forsa.

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Amos 5:9

I ta pui pa algin forti kabadu ku el di repenti; asin si kau forti ta danadu.

Abakuk 2:20

SIÑOR sta na si templu sagradu; tudu jinti di mundu pa e kala si dianti.”

Mateus 11:25

Na ki ora Jesus fala: “Obrigadu, ña Pape, Siñor di seu ku tera, pabia bu sukundi e kusas di jinti jiru i ntindidu, bu mostra mininus el.

Mateus 21:16

e punta Jesus: “Bu obi ke ku e mininus na fala?” Jesus fala elis: “Sin, N obi. Nunka bo ka lei na palabra di Deus: ‘Bu pui pikininus ku mininus di mama pa e yalsa se fala pa ngabau’?”

Lukas 10:21

Na ki ora Spiritu Santu inci Jesus ku alegria. I fala: “Obrigadu, ña Pape, Siñor di seu ku tera, pabia bu sukundi e kusas pa jinti jiru ku ntindidu, bu mostra mininus el. I bardadi, ña Pape, pabia asin ku bu misti fasi.

1 Koríntius 1:27

Deus kuji kil ku mundu coma tulu pa pasanta borgoña kilis ki jiru. Deus kuji tambi kil ku mundu coma fraku pa pasanta borgoña kilis ki forti.

1 Samuel 2:9

“I na guarda pe di kilis ki di sil, ma jinti mau na fika mudu na sukuru, pabia i ka pa forsa ku omi ta ngaña.