Salmus 71:5 - BIBLIA - traduson antigu in Krioulo

⁵ SIÑOR Deus, abo i ña speransa; bu sedu ña fiansa disna di ocan rapas.

Salmus 71:5 ပူးပေါင်းရင်းမြစ်များ

1 Reis 18:12

Si N fikau, i pudi sedu ku Spiritu di SIÑOR na lebau pa N ka sibi nunde. Si N bai konta Akab, ma el gora i ka bin ojau, i na matan, ma ami, bu servu, N rispita SIÑOR desdi ku N sedu rapas.

2 Kronikas 34:3

Na oitavu anu di si renansa, ocal inda nobu, i kumsa na buska Deus di si pape Davi. Na anu 12 i kumsa purifika Judá ku Jerusalen; i tira kaus altu, ku idulus di Aserá, ku imaẑens labradu ku kilis di metal fundidu.

Salmus 119:166

O SIÑOR, N na pera pa bu salban; N ta kumpri bu mandamentus.

Salmus 119:81

N dismaja manera ku N na faima pa bu salbason, ma N pui ña fiansa na bu palabra.

Salmus 13:5

Ma N fiansa na bu amor, N kontenti na ña korson manera ku bu salban.

Salmus 39:7

Gosi, SIÑOR, ke ku N na pera? Ña speransa sta na bo.

Salmus 42:11

Ña alma, ke ku manda bu sta disanimadu? Pabia di ke ku bu sta tarpajadu dentru di mi? Pui bu speransa na Deus, pabia N na torna ngabal, kil ku sedu ña Salbadur, ña Deus.

Salmus 71:17

O Deus, bu nsinan disna di ocan rapas; te aos N ta diklara kusas garandi ku bu fasi.

Eklesiastis 12:1

Na dias di bu nobresa, lembra di kil ku kumpou, antis di ki dias mau ciga, ku ki anus ku bu na bin fala: “N ka ten sabi.”

Jeremias 14:8

O, Speransa di Israel, si Salbadur na tempu di foronta! Ke ku manda bu sedu suma ospri na tera, suma algin di bias ku na pasa un noti son?

Jeremias 17:13

O SIÑOR, Speransa di Israel! Tudu kilis ku disau e na ten borgoña. Kilis ku lunjusi di bo, se nomis na skirbidu na reia, pabia e bandona SIÑOR ku sedu fonti di yagu ku ta da vida.

Jeremias 17:17

Ka bu sedu spantu pa mi; abo ki ña kau di sukundi na dia di mal.

Jeremias 17:7

“Ma sortiadu i omi ku fiansa na SIÑOR, ku si speransa sta na SIÑOR.

Jeremias 50:7

Tudu kin ku oja elis, i ta nguli elis. Se inimigus ta falaba: ‘No ka ten kulpa, pabia e peka kontra SIÑOR, ku sedu se Morada justu, Speransa di se papes.’

Lukas 2:40

Mininu kirsi, i bida forti, i jiru ba dimas; fabur di Deus staba riba del.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

2 Timótiu 3:15

kuma disna di bu mininesa bu sibi Skritura Sagradu ku pudi fasiu jiru pa salbason pa fe na Kristu Jesus.

1 Samuel 16:13

Asin Samuel toma cifri di azeiti, i unjil na metadi di si ermons. Disna di ki dia pa dianti, Spiritu di SIÑOR toma konta di Davi. Samuel lanta, i riba pa Ramá.