Salmus 71:22 - BIBLIA - traduson antigu in Krioulo

²² N na ngabau ku salteriu pabia di bu bardadi, o ña Deus. N na kanta pa ngabau ku arpa, o Deus Santu di Israel.

Salmus 71:22 ပူးပေါင်းရင်းမြစ်များ

2 Reis 19:22

Kin ku bu na koba, bu na fala mal del? Kin ku bu yalsa fála kontra el oca ku bu yalsa uju ku orgulyu? Bu fasil kontra Deus Santu di Israel!

Salmus 33:2

Bo ngaba SIÑOR ku arpa, bo kanta pa el ku salteriu di des korda.

Salmus 89:18

SIÑOR i no difesa; Deus Santu di Israel i no Rei.

Isaias 60:9

Sin duvida, jinti di jius na bin; barkus di Tarsis sta dianti, pa tisi bu fijus di lunju, elis ku se prata ku uru, pa da onra pa nomi di SIÑOR bu Deus, Deus Santu di Israel, pabia el i fasiu gloriosu.

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 12:6

Abos ku mora na Sion, bo yalsa fála, bo kanta ku kontentamentu, pabia Deus Santu di Israel i garandi na bo metadi.”

Isaias 5:24

Suma lingua di fugu ta nguli paja seku tok i pirdi na ŝama, asin ku rais di ki jinti na podri, se flor na buantadu pa bentu suma puera, pabia e nega lei di SIÑOR ku ten tudu puder, e njuti palabra di Santu di Israel.

Salmus 144:9

O Deus, N na kanta un kantiga nobu pa bo; N na toka salteriu di des korda, N kanta pa ngabau.

Salmus 98:3

Na si bondadi ku si bardadi pa pobu di Israel, i lembra sempri di kil ki purmiti elis. Jinti di tudu parti di mundu e oja salbason di no Deus.

Mikeias 7:20

Bu na sedu fiel pa Jakó, bu na sedu bon pa Abraon, suma ku bu jurmenta pa no papes disna di tempu antigu.

Isaias 43:3

Ami i SIÑOR, bu Deus; N sedu Deus Santu di Israel, bu Salbadur. N da Ejitu, Etiopia ku Seba, suma pres pa kaplintiu.

Isaias 5:19

E ta fala: “Pa Deus janti, i kabanta si tarbaju kinti-kinti pa no pudi ojal. Planu di Santu di Israel pa i bin pudu na pratika pa no pudi kunsil.”

Isaias 5:16

SIÑOR ku ten tudu puder i na garandisidu pabia i ta julga diritu. Deus Santu ta mostra si puresa manera ki sedu justu.

Salmus 138:2

N na mpina pa ladu di bu kasa sagradu, N ngaba bu nomi, pabia di bu bondadi ku bu bardadi; bu garandisi bu palabra ku bu nomi riba di tudu.

Salmus 89:1

N na kanta sempri bondadi di SIÑOR; ku ña boka N na pui tudu jorsons di futuru pa e sibi kuma abo i fiel.

Salmus 78:41

Manga di bias e proba Deus, e duvida di Deus Santu di Israel.

Salmus 56:4

N fiansa na Deus, N ka na medi; N na garandisi si palabra. Algin ku ta muri, ke ki pudi fasin?

Salmus 25:10

SIÑOR ta mostra sempri amor ku bardadi pa kilis ku guarda si kontratu, e obdisi si ordis.

Romanus 15:8

N fala kuma Jesus Kristu fasidu servu di judeus, pa mostra kuma Deus i di bardadi, pa i konfirma purmesas ku Deus fasi no papes antigu,

Salmus 43:4

Asin N na bai pa altar di Deus, ki Deus ku sedu ña garandi kontentamentu; N na ngabau ku arpa, o Deus, ku sedu ña Deus.

Salmus 98:4

Bo yalsa fála ku kontentamentu pa SIÑOR, abos tudu ku mora na mundu; bo grita ku alegria, bo kontenti, bo kanta pa ngabal.

Salmus 98:5

Bo kanta pa ngaba SIÑOR, ku arpa; bo toka arpa, bo kanta salmus.