Salmus 71:16 - BIBLIA - traduson antigu in Krioulo

¹⁶ N na sai pa konta kusas di puder ku bu fasi, SIÑOR Deus; N na anunsia kuma abo i justu, abo son.

Salmus 71:16 ပူးပေါင်းရင်းမြစ်များ

Salmus 106:2

Kin ku pudi konta kusas di puder ku SIÑOR fasi? Kin ku pudi tene palabra ku ciga pa ngabal?

Salmus 29:11

SIÑOR na da forsa pa si pobu; i na bensua elis ku pas.

Salmus 51:14

O Deus, libran di pekadu di darma sangi, Deus di ña salbason. Asin ña boka na ngabau pabia abo i justu.

Salmus 71:15

N na konta kuma ku bu sedu justu; N na fala di bu salbason tudu ora, nin si i mas di ki kil ku N ntindi.

Salmus 71:19

O Deus, bu retidon ta ciga na seu; bu fasi garandi kusas. O Deus, kin ku sedu suma bo?

Salmus 71:2

Manera ku bu sedu justu, libran, bu kaplintin; mpina bu oreja pa mi, bu salban.

Salmus 71:24

Tudu dia N na papia di bu retidon, pabia kilis ku mistiba fasin mal e pasa borgoña ku kunfuson.

Isaias 26:13

O SIÑOR no Deus, utru siñoris e manda riba di nos, ma i bu nomi son ku no ta coma.

Isaias 40:31

ma kilis ku na pera na SIÑOR e na arnoba se forsa. E na subi ku asas suma agia, e na kuri sin kansa, e na yanda sin pirdi forsa.

Isaias 63:7

N na fala di bondadi di SIÑOR, ku ki kusas ki fasi, ki dibi di ngabadu pa el, konformi tudu ku SIÑOR danu. N na konta di ki manga di kusas bon ki fasi pa jorson di Israel konformi si amor ku si garandi bondadi.

Zakarias 10:12

Ami, SIÑOR, N na fortifika elis; e na yanda na ña nomi.” Asin ku SIÑOR fala.

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Romanus 1:17

I ta mostra kuma ku Deus ta fasi algin justu si dianti. Di kumsada te fin i son pa fe, suma ki sta skritu na palabra di Deus: “Omi justu i na vivi pabia di si fe.”

Romanus 10:3

E ka kunsi manera ku Deus ta fasi jinti justu. E buska sedu justu na se propi manera; e ka seta manera ku Deus ranja pa elis.

Romanus 3:21

Gosi Deus mostra manera ki ta fasi jinti justu; i ka pabia di lei, ma librus di lei ku di anunsiaduris e ta konta kusa del.

Efésius 3:16

N pidil pa i tira di rikesa di si gloria pa da bos forsa ku puder dentru di bos, pa meiu di si Spiritu,

Efésius 6:10

Pa kabanta, bo fika mas forti na Siñor pabia di si forti puder.

Ripitison di Lei 33:25

Bu portons na tene trinkus di feru ku bronzi; bu forsa na ciga pa bu dias.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

Filipensis 4:13

N ten forsa pa tudu kusa pabia di Kristu ku ta dan puder.

2 Tesalonisensis 1:6

Deus na fasi kil ki justu. I na tisi sufrimentu riba di kilis ku pui bos sufri.

2 Timótiu 2:1

Abo, ña fiju, sedu forti pa fabur ku no ten na Kristu Jesus.